ताज्याघडामोडी

  महाराष्ट्र शासनाचे दि.5/4/2021 रोजीचे आदेशानुसार 30 एप्रिल अखेर अत्यावश्‍यक सेवा वगळता लॉकडाऊन जाहीर झाल्याने पंढरपूर येथील गोरगरीब कष्टकरी व व्यापारी वर्गात प्रचंड असंतोष निर्माण झाल्याने आ.प्रशांत परिचारक यांनी तत्काळ विरोधी पक्षनेते देवेंद्रजी फडणवीससाहेब यांचेशी संपर्क साधला व मा.मुख्यमंत्री उध्दवजी ठाकरेसाहेब यांना पत्राव्दारे लॉकडाऊन रद्द करा अन्यथा त्यांना उदरनिर्वाहासाठी शासकीय अनुदान द्या अशा प्रकारची पत्राव्दारे मागणी केली. आ.प्रशांत परिचारक म्हणाले, लॉकडाऊन हा कोरोना प्रादुर्भाव रोखणेचा पर्याय नाही, अनेक गोष्टी पैंकी तो एक भाग आहे. ट्रेसिंग, टेस्टिंग, ट्रिटमेंट हे मुख्य कोरोना प्रादुर्भाव रोखणेचे काम प्रशासनामार्फत केले जात आहे. त्यामध्ये सर्व जनता मास्क, सॅनिटायझर आदींसह सहकार्य करीत असताना लॉकडाऊन करणे चुकीचे आहे. त्यातच तीर्थक्षेत्र पंढरपूर हे चार वाऱ्यावर जगणारे गाव आहे, वर्षभरातील वारी रद्द झालेमुळे अनेकांवर उपासमारीची वेळ आली होती. पुन्हा एकदा शासनाने विठुरायाचे मंदिर बंद केलेमुळे सुरळीत होणारी आर्थिक व्यवस्था पुन्हा विस्कळीत होणेची चिन्हे निर्माण झाली आहेत. अशा परिस्थितीत याचा फटका मंदिरावर अंवलबून असणाऱ्या लहानमोठा व्यापारी वर्ग, कष्टकरी, हारफुले विक्रेते, प्रासादिक भांडार, रिक्षा-टांगावाले, दैनंदिन कामकरून रोजगार करणारे गोरगरीब मजूर अशा सर्वसामान्य जनतेला फटका बसणार आहे. याबाबत पंढरपूरातील व्यापारी संघटना, सर्वसामान्य व्यावसायिक यांचेमध्ये महाविकासआघाडी सरकार विरूध्द प्रचंड असंतोष निर्माण झाला आहे. व्यापारी संघटनेचे अध्यक्ष श्री.लक्ष्मीनारायण भट्टड यांचेकडे आ.प्रशांत परिचारक, भाजपा महायुतीचे उमेदवार श्री.समाधान आवताडे, आ.रणजीतसिंह मोहितेपाटील, रोंगे सर, भाजपा जिल्हाध्यक्ष श्रीकांत देशमुख, व्यापारी संघटनेचे पदाधिकारी यांचेसोबत विरोधी पक्षनेते देवेंद्रजी फडणवीस साहेब यांचेसमवेत आ.परिचारक यांनी फोनव्दारे चर्चा घडवून आणली, त्यांचे सूचनेनुसार तत्काळ मा.मुख्यमंत्री महोदयांना लॉकडाऊन रद्द करणेबाबत पत्रही पाठविण्यात आले.   आ.परिचारक पत्राव्दारे मागणी करताना म्हणाले की, महाराष्ट्र सरकार लॉकडाऊन सुरू ठेवणार असल्यास पंढरपूरातील अशा कष्टकरी, गोरगरीब जनतेसाठी लॉकडाऊन काळात उदरनिर्वाहासाठी शासकीय अनुदान देणेत यावे, याबाबत शासनस्तरावर त्वरीत निर्णय व्हावा अन्यथा लॉकडाऊन रद्द करून मंदिर पुर्ववत सुरू ठेवणेत यावे. आ.प्रशांत परिचारक यांचे भूमिकेमुळे व्यापारी वर्गातून समाधान व्यक्त केले जात आहे.

पंढरपूर(प्रतिनिधी) पंढरपूर मंगळवेढा मतदारसंघातील विधानसभा पोटनिवडणूकीतील प्रचार सभा कौठाळी, शिरडोण या ठिकाणी सौ.शैलाताई गोडसे यांनी आपली उमेदवारी ही जनतेच्या पाठबळावर दाखल केली आहे. ऊस उत्पादक शेतकरी चे थकीत ऊसबील मिळवून देण्यासाठी, साखळ कारखान्यातील कामगारांचे थकीत पगार मिळवून देण्यासाठी, बेरोजगारांच्या हाताला काम मिळवून देण्यासाठी, महिला भगिनींना सक्षम करण्यासाठी आपण ही निवडणूक लढवीत आहे. लोककल्याणकारी योजना राबवण्यासाठी […]

बळीराजा परिवार व समविचारी आघाडीचा श्री भगिरथ भालके यांना पाठिंबा मंगळवेढा:        श्री संत दामाजी सहकारी साखर कारखाना सुस्थितीत यावा म्हणून बळीराजा परिवार व काही वेगवेगळया पक्षातील समविचारी कार्यकर्ते यांनी सभासदाचे प्रबोधन व्हावे  म्हणून एक मोहिम हाती घेतलेली आहे.त्याचे काम गेले ६ महिने झाले सुरू आहे.साखर कारखान्याचा आर्थिक लेखाजोखा यांची वस्तूस्थिती सभासदासमोर मांडून […]

पंढरपूर प्रतिनिधी दि.06- सहकार शिरोमणी वसंतराव काळे सहकारी साखर कारखान्याचे चेअरमन कल्याणराव काळे यांनी अखेर भारतीय जनता पार्टी सोडून राष्ट्रवादी काँग्रेस पक्षामध्ये जाण्याचा निर्णय घेतला असून उपमुख्यमंत्री अजितदादा पवार, प्रदेशाध्यक्ष जयंत पाटील,पालकमंत्री दत्तात्रय भरणे,उमेदवार भगिरथ भालके यांचे उपस्थितीमध्ये गुरुवार दि.08 एप्रिल रोजी सकाळी 09 वाजता ते राष्ट्रवादी काँग्रेस पक्षामध्ये प्रवेश करणार आहेत.   पंढरपूर विधानसभा […]

कृष्णा-भीमा स्थिरीकरण झाल्याशिवाय मंगळवेढ्याचा पाणीप्रश्न सुटणार नाही – आ.रणजितसिंह मोहिते पाटील   मंगळवेढा-   पंढरपूर-मंगळवेढा  विधानसभा मतदारसंघाच्या पोटनिवडणुकीत येथील भारतीय जनता पार्टीचे अधिकृत उमेदवार समाधान आवताडे यांच्या प्रचारार्थ मंगळवेढा तालुक्यातील हुलजंती या गावी विराट अशी सभा झाली या सभेला आमदार रणजितसिंह मोहिते पाटील यांनी संबोधित केले आमदार मोहिते-पाटील म्हणाले केवळ मंगळवेढा तालुक्यातच नव्हे तर 31 तालुके आणि […]

  सहकार शिरोमणीच्या सभासदांना गुढीपाडवा सणासाठी प्रत्येकी २५ किलो साखर वाटप. कारखाना साईट व पंढरपूर येथील साखर विक्री केंद्राचे शुभारंभ पंढरपूर – सहकार शिरोमणी वसंतराव काळे सहकारी साखर कारखान्याच्या वतीने गुढीपाडवा सणासाठी सवलतीच्या दरात देण्यात येणाऱ्या साखर विक्री केंद्राचा शुभारंभ कारखान्याचे प्रभारी कार्यकारी संचालक पी.डी. घोगरे यांचे हस्ते कारखाना कार्यस्थळावर :८>- – करण्यात आल तसेच […]