गुन्हे विश्व ताज्याघडामोडी

भटुंबरे येथे अवैध वाळू उपशावर तालुका पोलिसांची कारवाई

पंढरपूर तालुक्यातील भटुंबरे हद्दीतून होणाऱ्या अवैध वाळू उपशावर तालुका पोलिसांकडून सातत्याने कारवाई होत असली तरी येथून होणारी अवैध वाळू चोरी हा पोलीस प्रशासनास डोकेदुखी ठरला आहे असेच म्हणावे लागेल.काल शनिवार दिनांक 18/09/2021 रोजी रात्री ९ चे सुमारास उपविभागीय पोलीस अधिकारी विक्रम कदम यांना भटुंबरे येथून अवैध वाळू उपसा व वाहतूक सुरु असल्याची माहिती मिळाली असता त्यांनी दिलेल्या आदेशानुसार पो.ना. तडवी,पो.कॉ.सुर्वे,पो.कॉ. हुलजंती हे सदर ठिकाणी दाखल झाले असता भटुंबरे गावातील जिल्हा परिषद प्राथमिक शाळेच्या समोरील रोडवर एक पांढ-या रंगाची पिकअप वाळू वाहतूक करताना आढळून आला.यावेळी पोलीस कर्मचाऱ्यांनी अशोक लेलंड कंपनीचा पिकअप वाळूसह ताब्यात घेत चालक समाधान भिमा गायकवाड वय 25 वर्ष रा भटुंबरे ता पंढरपुर विरूद्ध भा.दं.वि. कलम 379,सह गौण खनिज कायदा1978चे कलम4(1),4(क)(1)व21 प्रमाणे गुन्हा दाखल केला आहे.   

Leave a Reply

Your email address will not be published. Required fields are marked *