एस. के. एन. सिंहगड कॉलेज ऑफ इंजिनिअरिंग, कोर्टी (पंढरपूर) येथील संगणक शास्त्र व अभियांत्रिकी विभागाच्या वतीने विद्यार्थ्यांच्या तांत्रिक कौशल्यवृद्धीसाठी दि. २७ जुलै ते ०२ ऑगस्ट २०२६ या कालावधीत विविध मूल्यवर्धित (Value Added) व कौशल्य विकास (Skill Development) प्रशिक्षण कार्यक्रमांचे यशस्वी आयोजन करण्यात आले. या उपक्रमाचा उद्देश विद्यार्थ्यांना उद्योगाभिमुख ज्ञान, प्रोग्रामिंग कौशल्ये आणि आधुनिक तंत्रज्ञानाची सखोल ओळख करून देणे हा होता.
तृतीय वर्ष संगणक शास्त्र व अभियांत्रिकी (Computer Science & Engineering) शाखेच्या विद्यार्थ्यांसाठी “Advanced Data Structure and Algorithm Design Using Java” या विषयावरील विशेष प्रशिक्षणाचे आयोजन करण्यात आले. या प्रशिक्षणामध्ये Java मधील प्रगत डेटा स्ट्रक्चर्स, अल्गोरिदम डिझाईन, टाइम व स्पेस कॉम्प्लेक्सिटी, रिकर्शन, ट्री, ग्राफ, हॅशिंग, डायनॅमिक प्रोग्रामिंग तसेच स्पर्धात्मक प्रोग्रामिंगसाठी आवश्यक तंत्रांचा सखोल अभ्यास करून घेण्यात आला. विद्यार्थ्यांनी प्रत्यक्ष कोडिंग सराव, समस्या सोडविणे आणि केस स्टडीच्या माध्यमातून आपली प्रोग्रामिंग क्षमता अधिक विकसित केली.
याचबरोबर द्वितीय वर्ष संगणक शास्त्र व अभियांत्रिकी (CSE) तसेच कृत्रिम बुद्धिमत्ता व डेटा सायन्स (Artificial Intelligence & Data Science) शाखेच्या विद्यार्थ्यांसाठी दि. २७ जुलै ते ३० जुलै २०२६ या कालावधीत “Logic Building for Readiness” या विषयावरील प्रशिक्षण आयोजित करण्यात आले. या प्रशिक्षणामध्ये प्रोग्रामिंगची मूलभूत तत्त्वे, लॉजिकल थिंकिंग, समस्या विश्लेषण, फ्लोचार्ट, अल्गोरिदमिक विचारसरणी, कोडिंग पॅटर्न्स आणि मुलाखतींसाठी आवश्यक लॉजिक बिल्डिंग तंत्रांचा प्रभावी सराव करून घेण्यात आला. विद्यार्थ्यांचा आत्मविश्वास वाढवून त्यांना पुढील प्रोग्रामिंग अभ्यासक्रम व प्लेसमेंट प्रक्रियेसाठी सक्षम करण्यावर विशेष भर देण्यात आला.
या प्रशिक्षण कार्यक्रमांमध्ये तज्ज्ञ प्राध्यापकांनी उद्योगातील सद्यस्थिती, तांत्रिक कौशल्यांची गरज आणि आधुनिक सॉफ्टवेअर विकास पद्धती याविषयी मार्गदर्शन केले. विद्यार्थ्यांनी उत्स्फूर्त सहभाग नोंदवत विविध प्रात्यक्षिके, कोडिंग उपक्रम आणि चर्चासत्रांमध्ये सक्रिय सहभाग घेतला.
महाविद्यालयाचे प्राचार्य डॉ. कैलास जे. करांडे यांनी अशा कौशल्यवर्धक उपक्रमांमुळे विद्यार्थ्यांमध्ये तांत्रिक ज्ञान, तार्किक विचारशक्ती आणि उद्योगाभिमुख कौशल्यांचा विकास होऊन ते रोजगारक्षम बनण्यास मोठी मदत होत असल्याचे सांगितले. तसेच भविष्यातही विद्यार्थ्यांसाठी अशा उद्योगाभिमुख प्रशिक्षण कार्यक्रमांचे नियमित आयोजन करण्यात येणार असल्याचे त्यांनी नमूद केले.
या कार्यक्रमाच्या यशस्वी आयोजनासाठी संगणक शास्त्र व अभियांत्रिकी विभागातील सर्व प्राध्यापक, कर्मचारी तसेच विद्यार्थी स्वयंसेवक यांनी परिश्रम घेतले. कार्यक्रमाच्या यशस्वीतेबद्दल सर्व स्तरांतून समाधान व्यक्त करण्यात आले.
