सर्पदंशावरील उपचारास आलेल्या व्यक्तीची उपजिल्हा रुग्णालयातून मोटारसायकल गायब 

पंढरपूर शहर परिसातून मोटारसायकल चोरीचे प्रकार गेल्या काही महिन्यात सातत्याने घडत असल्यामुळे शहरात चिंतेचे वातावरण निर्माण झाले आहे.काही दिवसापूर्वी यमाई ट्रॅकवर व्यायामासाठी आलेल्या तरुणाची मोटारसायकल सकाळच्या वर्दळीच्या वेळी चोरीस गेल्याची घटना घडली होती.आता पुन्हा असाच प्रकार उघडकीस आला असून पंढरपूर उपजिल्हा रुग्णालयात साप चावल्यानंतर उपचारास आलेल्या विश्वनाथ चव्हाण (रा.आष्टी ता.मोहोळ) या शेतकऱ्याची होंडा शाईन हि मोटारसायकल चोरटयांनी लंपास केली आहे.

                 सदर प्रकरणी दत्ताञय विश्वनाथ चव्हाण यांनी पंढरपूर शहर पोलीस ठाण्यात फिर्याद दाखल केली असून या नुसार गजगा कलरची होंडा कंपनीची सी बी शाईन मोटारसायकल तिचा आर.टी.ओ.नं. MH13AY5294 असुन तिचा चेसी नं. ME4JC36CMA8153778 इंजिन नं. JC36E2227434 हि मोटारसायकल चोरीस गेली आहे.