पटवर्धन कुरोली येथून होणाऱ्या अवैध वाळू उपशावर करकंब पोलिसांची कारवाई 

       पंढरपूर तालुक्यातील पटवर्धन कुरोली येथून अवैध वाळू उपसा होत असल्याची माहिती गोपनीय बातमीदाराकडून करकंब पोलीस ठाण्याचे पोलीस निरीक्षक प्रशांत पाटील याना  मिळाली असता त्यांनी दिलेल्या सूचनेनुसार पो.हे.कॉ. हरीहर,पो.ना.जाधव यांच्यासह सदर प्रकरणातील फिर्यादी पो.ना.दादासाहेब भिमा सुळ हे पटवर्धन कुरोली देवडे या रस्त्यावरून अवैध वाळू वाहतूक करणारे वाहन जाणार असल्याची खबर मिळताच दोन पंच सोबत घेऊन पहाटे ५ वाजता देवडे रोड चिंचकर वस्ती पटवर्धन कुरोली येथे गेले असता समोरुन एक डंपिंग ट्रेलर येत असताना दिसला. चालकास थांबण्याचा इशारा केला. ट्रँक्टर थांबल्यानंतर बँटरीचे उजेडात पाहीले असता डंपिंगमध्ये वाळु मिळुन आली.

            सदर प्रकरणी केलेल्या कारवाईत एक निळ्या रंगाचा New Holland कंपनीचा बिगर नंबरचा ट्रँक्टर व त्यास पाठीमागे पिवळ्या रंगाची डंपिंग ट्रॉली,एक ब्रास वाळु असा अंदाजे 3 लाख 3 हजार रुपयांचा मुद्देमाल ताब्यात घेतला आहे.या प्रकरणी समाधान बाळासाहेब नाईकनवरे वय 21 वर्षे 2) महादेव कृष्णा खेडेकर दोघे रा. पटवर्धन कुरोली ता.पंढरपूर यांच्या विरोधात भा.द.वि.सं कलम 379, 34 सह गौण खनिज सुधारीत अधि. 2015 चे कलम 4(1), 4(क)(1), 21 अन्वये पोलीस नाईक दादासाहेब सूळ यांनी दाखल केली आहे.