Uncategorized

भारतीय जनता युवा मोर्चाच्या पंढरपूर शहर अध्यक्षपदी रोहित उर्फ लाला पानकर यांची निवड

भारतीय जनता युवा मोर्चाच्या सोलापूर जिल्ह्यातील विविध पदाधिकाऱ्यांच्या निवडी आज भाजपाचे  जिल्हाध्यक्ष श्रीकांत देशमुख यांच्या मार्गदर्शनाखाली भारतीय जनता युवा मोर्चाचे जिल्हाध्यक्ष मुकेश घोडके यांनी जाहीर केल्या असून या निवडीत पंढरपूर शहर अध्यक्षपदी रोहित उर्फ लाला पानकर यांची तर पंढरपूर तालुकाध्यक्षपदी सुनील भोसले यांची निवड करण्यात आली आहे.   

गेल्या काही महिन्यापासून भारतीय जनता युवा मोर्चाचे शहर अध्यक्षपद रिक्त होते.नुकत्याच पार पडलेल्या विधानसभा पोटनिवडणुकीत भाजपाचे उमेदवार आ.समाधान आवताडे यांच्या विजयासाठी भाजयुमोच्या कार्यकर्त्यांनी मोठे परिश्रम घेतले होते.या निवडीनंतर पंढरी वार्ताशी बोलताना लाला पानकर यांनी पक्षाचे जिल्हाध्यक्ष श्रीकांत देशमुख,भाजयुमोचे जिल्हाध्यक्ष मुकेश घोडके,भाजपचे सोलापूर जिल्हा उपाध्यक्ष सुभाष मस्के,शहराध्यक्ष यांच्यासह सर्व पदाधिकाऱ्यांचे आभार मानले असून सोलापूर जिल्ह्याचे आमदार प्रशांत परिचारक,आमदार समाधान आवताडे,युटोपियन शुगरचे चेअरमन उमेश परिचारक यांच्या मार्गदर्शनाखाली व भारतीय जनता युवा मोर्चाच्या सर्व पदाधिकारी आणि कार्यकर्ते यांच्या सोबत पंढरपूर शहरात भाजयुमो आणखी बळकट करू अशी ग्वाही दिली आहे.  

 

Leave a Reply

Your email address will not be published. Required fields are marked *