महाराष्ट्र प्रदेश युवक कॉग्रेसचे अध्यक्ष महबूब शेख यांच्या विरोधात औरंगाबाद येथील एका महिलेने खोटा गुन्हा दाखल केला आहे.वास्तविक पाहता ज्या दिवशी गुन्हा घडल्याचे फिर्यादीत नमूद केले आहे त्या दिवशी अध्यक्ष महबूब शेख हे मुबंईत होते हे त्यांनी सप्रमाण सिद्ध केले आहे.सदर महिलेने दाखल केलेली फिर्याद हि खोटी असल्याचे दिसून येत असून या मागे राजकीय षड्यंत्र आहे.एका सामान्य कुटूंबातून पुढे आलेल्या युवकाने आपल्या संघटन कौशल्याच्या बळावरच प्रदेशाध्यक्ष पदापर्यंत मजल मारलेली असताना महबूब शेख याना बदनाम करण्याचा डाव आहे.त्यामुळे सदर गुन्हा त्वरित मागे घ्यावा अशा आशयाचे निवदेन राष्ट्रवादी कॉग्रेस अल्पसंख्याक युवक विभागाच्या वतीने उपविभागीय पोलीस अधिकारी पंढरपूर यांना दिले आहे.
यावेळी पंढरपूर शहर राष्ट्रवादी काँग्रेसचे अध्यक्ष सुधीर भोसले.अल्पसंख्यांक विभाग मा.शहराध्यक्ष रशीद शेख,शहर उपाध्यक्ष सचिन कदम,शहर उपाध्यक्ष गिरीश चाकोते, राष्ट्रवादी अल्पसंख्यांक युवक विभागाचे अध्यक्ष शाहरुख मुलाणी आदी उपस्थित होते. या बाबत बोलताना राष्ट्रवादी अल्पसंख्यांक युवक विभागाचे अध्यक्ष शाहरुख मुलाणी यांनी प्रदेशाध्यक्ष महबूब शेख यांच्यावरील गुन्हा त्वरित मागे घेण्यात यावा अन्यथा आंदोलन करावे लागेल असा इशारा दिला आहे.