विठ्ठल दर्शनास आलेल्या भाविकास मारहाण करून मोबाईल व रोख रक्कम लंपास
अज्ञात चोरट्यांविरोधात पंढरपूर शहर पोलीस ठाण्यात गुन्हा दाखल
पंढरीत विठ्ठल दर्शनसाठी आलेल्या हणमंत संभाजी श्रीरामे (वय-24वर्षे),रा-कमळेवाडी ता.मुखेड जि.नांदेड या भाविकास जबरदस्तीने दुचाकीवर बसवून जबर मारहाण करीत मोबाईल,रोख रक्कम व चांदीचे ब्रेसलेट काढून घेतल्याची घटना रेल्वे स्थानकाकडे जाणाऱ्या रस्त्यावर गॅलॅझी हॉस्पिटल परिसरात घडली आहे.
या बाबत हणमंत संभाजी श्रीरामे यांनी फिर्याद दाखल केली असून गँलेक्सी हाँस्पीटलच्या पुढे पायी चालत रेल्वे स्टेशनकडे जात असताना गँलेक्सी हाँस्पीटलच्या पुढे सिमेंट रोडवर तीन अनोऴखी मोटारसाकलस्वार फिर्यादी जवळ आले आणि त्यापैकी एकाने तुझा मोबाईल दे मला फोन करायचा आहे असे म्हणालेवर माझा मोबाईल बंद आहे असे फिर्यादीने सांगितले व पुढे चालू लागला असता सदर चोरटयांनी पाठीमागुन त्यांचे मोटारसायकरवर येऊन मोटारसाकलवरुन खाली उतरुन अश्लील शिविगाळ करीत हाताने बुक्याने तोंडावर,पोटावर, बरगडीत मारहाण करु लागले त्यावेळेस तेथे रोडवर कोणीही नव्हते त्याचा फायदा घेवुन फिर्यादीस जबरदस्तीने मोटारसाकल एच.एफ. डिलक्स लाल रंगाची तिचा नंबर 2106 पुर्ण नंबर माहीत नाही.या दुचाकीवर बसवून त्या तिघांनी मिळुन ज पंढरपुर पासुन आडरानात अंदाजे 2कि.मी.तळ्याजवळ नेउन शिवीगाळी मारहाण करुन जबरजस्तीने खिशातील सँमसंग कंपनीचा ए 50एस माँडेलचा मोबाईल हँण्डसेट तसेच खिशातील रोख रक्कम व हातातील चांदीचे ब्रेसलेट काढुन घेतले असल्याचे फिर्यादीत नमूद केले आहे.
