उपनेते,माजी खासदार,आमदार,जेष्ठ पदाधिकारी उपस्थित रहात मार्गदर्शन करणार
गुरुवार दि. 2 मार्च पासून सोलापूर जिल्ह्यात शिवसेना उद्धव बाळासाहेब गटाकडून शिवगर्जना अभियानाची सुरुवात करण्यात येणार असून याचा शुभारंभ गुरुवारी पंढरपुरातील संत तनपुरे महाराज मठ येथे भव्य मेळाव्याच्या माध्यमातून करण्यात येणार आहे. या मेळाव्यात पदाधिकारी, कार्यकर्ते यांच्याशी संवाद साधत आगामी स्थानिक स्वराज्य संस्था, लोकसभा व विधानसभा निवडणूकीच्या सोलापूर जिल्ह्यातील प्रत्येक तालुक्यात उध्दव बाळासाहेब ठाकरे गटाचे नेते पदाधिकारी, कार्यकर्ते यांच्या बैठका घेणार आहेत.
या मेळाव्यास उपनेते विनोद घोसाळकर,उपनेते विजय कदम,शिवसेना प्रवक्त्या संजना घाडी,माजी खासदार सुभाष वानखेडे,माजी आमदार उल्हास पाटील,युवा सेनेचे साईनाथ दुर्गे,कु.सुप्रजा फातर्पेकर,जिल्हा संपर्क प्रमुख अनिल कोकीळ,युवा सेना सोलापूर संपर्क प्रमुख उत्तम आयवळे,माजी जिल्हा प्रमुख साईनाथ अभंगराव,कैलास चव्हाण(सांगोला विधानसभा संपर्क प्रमुख) आदी या शिवगर्जना मेळाव्यात मार्गदर्शन करणार आहेत.
तरी पंढरपूर,माळशिरस,सांगोला,माढा,करमाळा तालुक्यातील सर्व आजी माजी पदाधिकारी व शिवसेना उद्धव बाळासाहेब ठाकरे समर्थक यांनी गुरुवार दिनांक २ मार्च रोजी सकाळी ठीक १० वाजता संत तनपुरे महाराज मठ येथे उपस्थित राहावे असे आवाहन पंढरपूर विभाग जिल्हा प्रमुख संभाजी शिंदे यांनी केले आहे.
