महिला व मुलींवरील अत्याचाराच्या घटनांमध्ये सातत्याने वाढ होत चालली आहे. विकृत मानसिकता असलेल्यांकडून अशा प्रकारच्या घटना घडताना दिसतात. असाच एक धक्कादायक प्रकार सेवाग्राम पोलिस ठाण्याच्या हद्दीत घडला आहे. एका नराधम बापाने स्वत:च्याच अवघ्या ११ वर्षीय मुलीशी लैंगिक चाळे केल्याचा प्रकार उघडकीस आला.
ही बाब ऐकून पोलिसांच्याही पायाखालची जमीन सरकली. याप्रकरणी सेवाग्राम पोलिसांनी नराधम बापास अटक केल्याची माहिती दिली. प्राप्त माहितीनुसार, पीडितेची आई आणि लहान बहीण कामानिमित्त बाहेर गेले होते. घरात नराधम बाप आणि पीडिता होती.
पीडिता ही स्वयंपाक खोलीत पोहे बनवत असतानाच नराधम बापाने पीडितेला समोरील खोलीत खेचत नेत तिचा विनयभंग (Crime News) करून लैंगिक चाळे केले. पीडितेची आई घरी आल्यावर घडलेला सर्व प्रकार पीडितेने आईसमोर कथन केला.
आईने याबाबत पतीशी बोलण्याचा प्रयत्न केला मात्र, नराधमाने कुठलाही प्रतिसाद दिला नाही. अखेर संतापलेल्या आईने पीडितेला सोबत घेत थेट सेवाग्राम पोलिस ठाणे गाठून याबाबतची तक्रार दिली. पोलिसांनी नराधम बापाविरुद्ध गुन्हा दाखल करून त्यास अटक केली. पुढील तपास पोलिस निरीक्षक नीलेश ब्राह्मणे करीत आहेत.