पत्नीने कुटुंब नियोजनाची शस्त्रक्रिया केल्याच्या रागातून पतीने आपल्या ५ आणि ६ वर्षे वयाच्या चिमुकल्यांवर कोयत्याने हल्ला केल्याची घटना कराड तालुक्यातील गोटे या गावातून समोर आली आहे. याप्रकरणी पोलिसांनी रामदास बाबासो वायदंडे (रा. गोटे, ता. कराड) या निर्दयी बापाला अटक केली आहे.
पत्नीने कुटुंब नियोजनाची शस्त्रक्रिया केल्याच्या रागातून पतीने आपल्या ५ आणि ६ वर्षे वयाच्या चिमुकल्यांवर कोयत्याने हल्ला केल्याची घटना कराड तालुक्यातील गोटे या गावातून समोर आली आहे. याप्रकरणी पोलिसांनी रामदास बाबासो वायदंडे (रा. गोटे, ता. कराड) या निर्दयी बापाला अटक केली असून न्यायालयाने त्याला दोन दिवस पोलीस कोठडी सुनावली आहे. बापाने केलेल्या हल्ल्यात श्लोक रामदास वायदंडे (वय ५) व शिवम रामदास वायदंडे (वय ६) ही दोन चिमुकली जखमी झाली आहेत. यापैकी श्लोक हा गंभीर जखमी असून त्याच्यावर उपचार सुरू आहेत.
