गुन्हे विश्व ताज्याघडामोडी

पतीसोबत अफेअर असल्याचा संशय; पत्नीनं ५ जणांना पैसे देऊन बलात्कार करायला लावला

पतीचे अनैतिक संबंध असल्याच्या संशयातून पत्नीनं धक्कादायक कृत्य केलं आहे. महिलेचे आपल्या पतीसोबत अवैध संबंध असल्याचा संशय पत्नीला होता. त्यामुळे तिनं महिलेवर बलात्कार घडवून आणला. पत्नीनं या सगळ्या घटनेचा व्हिडीओदेखील शूट केला. घटना सायबराबादच्या गच्चीबौलीमध्ये घडली आहे.

आपल्या पतीचे एका महिलेशी अनैतिक संबंध असल्याचा संशय त्याच्या पत्नीला होता. त्यामुळे त्या महिलेला धडा शिकवण्यासाठी पत्नीनं ५ जणांना पैसे दिले आणि त्यांना महिलेवर बलात्कार करण्यास सांगितला. पोलिसांनी या प्रकरणी आरोपी महिला गायत्रीसह ६ जणांना अटक केली आहे. गायत्रीच्या कोंडापूर येथील घरातच ५ जणांनी महिलेवर बलात्कार केला. टाईम्स ऑफ इंडियानं याबद्दलचं वृत्त दिलं आहे.

पोलिसांनी दिलेल्या माहितीनुसार, गायत्रीचा पती श्रीकांत यूपीएससीची तयारी करत होता. याच दरम्यान त्याची ओळख पीडितेशी झाली. पीडिता अनेकदा श्रीकांतला भेटण्यासाठी गायत्रीच्या घरी यायची. ऑक्टोबर २०२१ ते फेब्रुवारी २०२२ दरम्यान पीडिता गायत्रीसोबत तिच्या घरी राहिली. पीडिता आणि आपल्या पतीचे अनैतिक संबंध असल्याचा संशय गायित्रीला आला. बराच वाद झाला. त्यानंतर महिलेनं गायत्रीचं घर सोडलं.

२६ मे रोजी गायत्रीनं आपल्याला घरी बोलावल्याचा आरोप पीडितेनं केला. पीडिता घरी पोहोचली, तेव्हा गायत्रीनं बोलावलेलं पाच जण तिथे उपस्थित होते. त्यांनी पीडितेवर बलात्कार केला. गायत्रीनं याचा व्हिडीओ शूट केल्याचा आरोपही पीडितेनं केला. यानंतर पीडितेला धमकी देऊन सोडण्यात आलं. पोलिसांकडे गेल्यास गंभीर परिणाम होतील, अशी धमकी तिला देण्यात आली. पोलिसांनी सर्व आरोपींविरोधात गुन्हा दाखल करून तपास सुरू केला आहे.

Leave a Reply

Your email address will not be published. Required fields are marked *