छत्तीसगढमधील बालोड जिल्ह्यात एका तरुणाने गळफास घेत आत्महत्या केली आहे. या तरुणीच्या प्रेयसीचे दुसऱ्या कुणासोबत तरी लग्न होत असल्याने तो निराश झाला होता. या नैराश्यातूनच त्याने आत्महत्या केली आहे.
सागर ( नाव बदलले आहे) याचे एका तरुणीसोबत प्रेमसंबंध होते. मात्र त्या तरुणीच्या घरच्यांचा त्यांच्या प्रेमाला विरोध होता. त्यांनी त्या तरुणीचे लग्न दुसऱ्यासोबत ठरवले होते. मुलीच्या घरी लग्नाची तयारी सुरू असताना मुलाने घरात गळफास घेत आत्महत्या केली. त्याआधी त्याने घरातल्या बाथरुममध्ये कोळशाने तरुणीसाठी एक संदेश लिहून ठेवला.
माझा मृत्यू हेच तुझ्या लग्नाचे गिफ्ट आहे, आय लव्ह यू असा तो संदेश होता. त्यानंतर त्याने व्हॉट्सअॅपवर त्याचा आत्महत्या करतानाचा एक छोटा व्हिडीओ स्टेटसवर ठेवला व गळफास घेतला. मुलाचे कुटुंबीय त्याच्यापर्यंत पोहचेपर्यंत त्याचा मृत्यू झाला होता.
