जिल्हाधिकारी सोलापूर तथा जिल्हा निवडणूक निर्णय अधिकारी मिलिंद शंभरकर यांनी आज पंढरपूर नगर पालिकेचा प्रारूप प्रभाग रचना आराखडा जाहीर केला असून या प्रभाग रचने बाबत १७ मार्च २०२० पर्यंत हरकती दाखल करता येणार आहेत.
पंढरपूर नगर पालिकेच्या प्रस्तावित प्रभाग रचनेत प्रभाग क्रमांक ७ मध्ये नव्याने काही भागाचा समावेश करण्यात आल्याचे चित्र असून छत्रपती शिवाजी महाराज चौक ते गजानन महाराज मठासमोरील बाजू ते महात्मा फुले चौक ते गुजराथी कॉलनी समोरील बाजू ते डॉ.बाबासाहेब आंबेडकर नगर चौक ते तानाजी चौक परिसर ते छत्रपती शिवाजी महाराज चौक असा या प्रभागाचा विस्तार प्रस्तावित करण्यात आला आहे.
२०११ च्या जणगणने नुसार या प्रभागाची एकूण लोकसंख्या ५९१५ इतकी निर्देशित करण्यात आली असून यामध्ये अनुसूचित जातीच्या १०२ तर अनुसूचित जमातीची ४१ अशी लोकसंख्या निर्देशित करण्यात आली आहे.
