जागतिक पर्यावरण दिनानिमित्त जळोली येथे वृक्षारोपण 

जागतिक पर्यावरण दिनानिमित्त बुध.भीमराव (दादा)नवगिरे याच्या स्मरणार्थ जळोली ता.पंढरपूर येथे वृक्ष लागवड अभियान राबविण्यात आले. कोविड-19 च्या पार्श्वभूमीवर निर्माण झालेला ऑक्सिजन च्या तुटवड्याच्या समस्येमुळे आपणास मोफत ऑक्सिजन देणाऱ्या वृक्षांचे आणखी एकदा अधोरेखित झाले आहे.जागितक पर्यावरण दिनाचे औचित्य साधत   राष्ट्रवादी काँग्रेस च्या ओबीसी सेल महीला सोलापूर जिल्हा उपाध्यक्ष सविता नवगिरे,जळोली गावचे युवा नेतृत्व किरण नवगिरे,सरपंच ज्योतिराम मदणे, उपसरपंच मनोज नरसाळे,ग्रा.प. सदस्य समाधान नरसाळे,बहुजन ब्रिगेड पंढरपूर तालुका कार्याध्यक्ष गणेश नवगिरे यानी यात सहभाग घेतला.       

या बाबत अधिक माहिती देताना सविता नवगिरे म्हणाल्या कि,पर्यावरणाचे संवर्धन करणे हेच आपल्या मानवी आरोग्यासाठी भविष्यात महत्वपूर्ण ठरणार आहे.प्रत्येकाने या पावसाळ्याच्या तोंडावर एक जरी झाड लावण्याचा संकल्प केला तर आपला परिसर आपले गाव नक्कीच वृक्षवल्लीने समृद्ध होईल.आणि यासाठी प्रत्येकाने पुढाकार घेणे गरजेचे आहे.