कीर्तनाच्या बनावट सीडी प्रसारित करणाऱयांची चौकशी करावी, अशी मागणी कीर्तनकार निवृत्ती महाराज देशमुख (इंदुरीकर) यांनी जिल्हा पोलीस अधीक्षक मनोज पाटील यांच्याकडे केली आहे.
काहीजण माझ्या संमतीखेरीज कीर्तनाचे व्हिडीओ काढून ‘मराठी बाणा’ या वाहिनीकडून अनधिकृतपणे प्रसिद्ध केले जात आहेत. याप्रकरणी पुणे जिल्ह्यातील स्वारगेट पोलीस ठाण्यात गुन्हाही दाखल केला आहे.
कीर्तनामध्ये काही छेडछाड करून चुकीच्या गोष्टी प्रसिद्ध होण्याची शक्यता आहे. त्यामुळे या वाहिनीवर कारवाई करण्यात यावी, अशी मागणी इंदुरीकर महाराज यांनी पोलीस अधीक्षक मनोज पाटील यांना दिलेल्या निवेदनामध्ये केली आहे.
