मुंबई, 03 जानेवारी : देशाची आर्थिक राजधानी असलेल्या मुंबई महापालिकेचा अर्थसंकल्प सादर करण्यात आला आहे. परंतु, अर्थसंकल्प सादर होत असताना सह आयुक्त रमेश पवार हे पाण्याऐवजी सॅनिटाझर प्यायल्याची धक्कादायक घटना घडली आहे.
आज मुंबई महापालिकेच्या सभागृहात चालू आर्थिक वर्षाचा अर्थसंकल्प सादर करण्यात आला आहे. बजेटचे वाचण सुरू होण्यापूर्वी सह आयुक्त रमेश पवार यांनी पाण्याऐवजी हात साफ करण्यासाठी आणलेले सॅनिटायझरच प्यायले. त्यामुळे एकच गोंधळ उडाला होता.
सॅनिटायझर प्यायल्याचे लक्षात आल्यानंतर एकच खळबळ उडाली होती. पण वेळीच चूक लक्षात आल्यानंतर पुढील अनर्थ टळला. पवार यांनी टेबलावर समोर ठेवलेल्या पाण्याच्या बाटली ऐवजी सॅनिटायझर प्यायले होते. त्यामुळे काही वेळ बजेट वाचनाला विलंब झाला.
