जिवा-सेना संघटनेच्या वतीने केंद्रीय लोकसेवा आयोगाच्या परीक्षेमध्ये दैदिप्यमान यश संपादन केलेले पंढरपूर तालुक्याचे सुपूत्र राहुल चव्हाण यांचा सत्कार
पंढरपूर (प्रतिनिधी) :- जिवा-सेना संघटनेच्या वतीने देशातील केंद्रीय लोकसेवा आयोगाच्या (यु.पी.एस.सी.) परीक्षेमध्ये दैदिप्यमान यश संपादन केलेले पंढरपूर तालुक्याच्या खर्डी या गावचे सुपूत्र राहुल अनिल चव्हाण यांचा सत्कार करण्यात आला. दि. 6/8/2020 रोजी खर्डी येथील राहुल चव्हाण यांच्या राहते घरी जाऊन जिवा-सेना संघटनेचे सोलापूर जिल्हाध्यक्ष कमलाकार (माऊली) चव्हाण, पंढरपूर शहर उपाध्यक्ष संदीप गोरे, पंढरपूर शहर सचिव महेश गोरे, पंढरपूर उपकार्याध्यक्ष किरण हिल्लाळ, पंढरपूर तालुका कार्याध्यक्ष दत्तात्रय भुसे व पंढरपूर शहर संपर्क प्रमुख शुभम भोसले यांनी श्रीविठ्ठलाची मुर्ती, शाल, पेन व पुष्पगुच्छ देऊन त्यांचा सन्मान केला.
यावेळी सोलापूर जिल्हा कार्याध्यक्ष समाधान हिल्लाळ, खर्डी येथील रोहित हिल्लाळ, अप्पा वाघमारे, संतोष चव्हाण, विनायक हिल्लाळ, जिवा सेना संघटनेचे पंढरपूर शहर उपसचिव राहुल क्षिरसागर आदी उपस्थित होते.