अहमदनगरच्या कोपरगाव येथून एक धक्कादायक माहिती समोर आली आहे. तेथे एका विवाही तरूणीची तिच्या काकानेच हत्या केल्याचा खळबळजनक प्रकार घडला आहे. माहेरी आलेली ही तरूणी घराबाहेर एका मुलाशी बोलत होती, हे पाहून काका संतापला आणि त्याच भरात त्याने हे कृत्य केल्याचमे समजते. याप्रकरणी कोपरगाव शहर पोलीसांनी आरोपी काकाला ताब्यात घेत अटक केली आहे.
बुधवारी मध्यरात्रीच्या सुमारासा घडलेल्या या निर्घृण हत्येमुळे संपूर्ण गाव हादरलं. मृत तरूणीच्या आईने पोलिसांत धाव घेत रडतरडत सर्व प्रकार कथन केला. त्यानंतर कोपरगाव शहर पोलीसांनी आरोपीच्या संतोष आरणे ( वय २६) मुसक्या आवळल्या. त्याची पुढील चौकशी करण्यात येत आहे.
मिळालेल्या माहितीनुसार , अहमदनगर जिल्ह्यातील कोपरगाव शहरातील खडकी भागात हा दुर्दैवी प्रकार घडला. तेथे बुधवारी रात्री १२ च्या सुमारास काकाने हल्ला केल्या ज्यामध्ये पुतणीचा मृत्यू झाला. मृत मुलीच्या आईने कोपरगाव शहर पोलीस ठाण्यात फिर्याद नोंदवली. त्यांच्या सांगण्यानुसार, नेहा ही त्यांची २१ वर्षीय विवाहीत मुलगी गेल्या काही महिन्यांपासून माहेरी रहात होती. बुधवारी रात्री ती घराबाहेर येऊन एका तरूणाशी बोलत होती. तेवढ्यात तिचा काका संतोष आरणे याने हे दृश्य पाहिले. त्याला तिच्यावर संशय आला, तो संतापला आणि रागाच्या भरात तो कुऱ्हाड घेऊन आला. त्याने नेहाच्या दोन्ही पायांवर धारदार कुऱ्हाडीने वार करून तिला जबर जखमी केले.
हे पाहून कुटुंबियांनी तिला उपचारासांठी तातडीने कोपरगाव ग्रामीण रुग्णालयात नेले असता. मात्र तेथील डॉक्टरांनी तिला मृत घोषित केले. बराच रक्तस्त्राव झाल्याने तिचा मृत्यू झाला असावा असा अंदाज व्यक्त होत आहे.
