शिवसेनेचे माजी आमदार सूर्यकांत देसाई यांचं निधन झालं आहे. त्यांना उपचारासाठी एका रुग्णालयातून दुसऱ्या रुग्णालयात नेत असताना रुग्णवाहिका बंद पडली. त्यादरम्यान त्यांना वेळेत उपचारासाठी रुग्णालयात नेता न आल्याने त्यांचं निधन झालं आहे. डोंबिवलीत त्यांचं निधन झालं आहे.
डोंबिवलीतील एका खाजगी रुग्णालयात त्यांच्यावर उपचार सुरु होते. मात्र, रुग्णालयात व्हेंटिलेटर नसल्याने त्यांना दुसऱ्या रुग्णालयात हलवण्याचा निर्णय घेण्यात आला. मात्र, दुसऱ्या रुग्णालयात नेत असताना रस्त्यातच रुग्णवाहिका बंद पडली. देसाई कुटुंबीयांनी रुग्णावाहिका ढकलून रुग्णालयापर्यंत पोहोचवण्याचा प्रयत्न केला. मात्र, सारे प्रयत्न निष्फळ ठरले आणि सूर्यकांत देसाई यांची उपचाराअभावी प्राणज्योत मालवली.