रस्ते वाहतुकीसाठी पर्यायी रस्ते मार्गाचा वापर करण्याचे रेल्वे प्रशासनाचे आवाहन
पंढरपूर सांगोला रेल्वे मार्गावरील टाकळी रस्त्यावरील गेट क्रमांक 24 हे रेल्वे मार्गाच्या दुरुस्तीच्या कामासाठी गुरुवार दिनांक 9 फेब्रुवारी 2023 रोजी सकाळी सात वाजलेपासून ते सोमवार दिनांक 13 फेब्रुवारी 2023 रोजी रात्री अकरा वाजेपर्यंत रस्ते वाहतुकीसाठी बंद राहणार आहे.त्यामुळे रस्ते वाहतुकीसाठी या रेल्वे गेटवरील रस्त्याने ये-जा करणाऱ्या वाहनांनी पंढरपूर शहरातून जाणाऱ्या तसेच इतर पर्यायी रस्ते मार्गाचा वापर करावा असे आवाहन रेल्वे प्रशासनाच्या वतीने करण्यात आले आहे.
