किरकोळ कौटुंबिक वादातून रागाच्या भरात पतीने पत्नीचा गळा दाबून हत्या केल्याची घटना भानुदासनगर भागात घडली. या घटनेनंतर आरोपी पती स्वतः पोलीस ठाण्यात पोहचला. आरोपीला पोलिसांनी ताब्यात घेतले असून जवाहरनगर पोलीस ठाण्यात घटनेची नोंद करण्यात आली आहे.
हत्या झालेल्या महिलेचे नाव मधुरा बालाजी लोणीकर (वय 22) आहे. तर पत्नीची हत्या करणाऱ्या पतीचे नाव बालाजी लोणीकर (वय 30, रा. भानुदासनगर) असे आहे. ही घटना सोमवारी दुपारी 3 ते 3.30 वाजण्याच्या सुमारास घडली. पोलीस या प्रकरणी अधिक तपास करत आहेत.
