एस. के. एन. सिंहगड कॉलेज ऑफ इंजिनिअरिंग महाविद्यालय कोर्टी, पंढरपूर येथे गुरुवार दिनांक १० मार्च रोजी क्रांतीज्योती सावित्रीबाई फुले यांच्या स्मृती दिनानिमित्त महाविद्यालयाच्या वतीने “महिलांचे ताण-तणाव व्यवस्थापन” याविषयावर ऑनलाईन कार्यक्रमाचे आयोजन करण्यात आले होते. हा कार्यक्रम मोठ्या उत्साहात संपन्न झाला असल्याची माहिती महाविद्यालयाचे प्राचार्य डॉ. कैलाश करांडे यांनी दिली.
या कार्यक्रमासाठी ऑनलाईन सहभागी झालेल्या डॉ. शुभांगी कुऱ्हाडे यांचे स्वागत निशा करांडे यांनी केले.
या कार्यक्रमामध्ये डॉ. शुभांगी कुऱ्हाडे यांनी ताण म्हणजे काय? ताण त्रासदायक की लाभदायक असे वर्गीकरण, ताणाची कारणे व या ताणाचे व्यवस्थापन कसे करावे म्हणजेच ताण कसा दूर करावा याबद्दल माहिती दिली.
या कार्यक्रमाचे आयोजन महाविद्यालयाचे प्राचार्य डाॅ. कैलाश करांडे यांच्या मार्गदर्शनाखाली निशा करांडे यांनी केले. डाॅ. प्रा. वैष्णवी शुभांगी कुऱ्हाडे यांचा परिचय प्रा. वैष्णवी उत्पात यांनी करून दिला. या कार्यक्रमास १०० हून अधिक विद्यार्थी, शिक्षक व शिक्षेकेत्तर कर्मचाऱ्यांनी सहभाग नोंदवला. कार्यक्रमाचे सूत्रसंचालन व आभार प्रदर्शन प्रा. अंजली पिसे यांनी केले.