गुन्हे विश्व ताज्याघडामोडी

ऐन लग्न मंडपात नवरदेव हुंड्यासाठी अडून बसला

लग्नापूर्वी हुंड्याची मागणी करणाऱ्या एका नवरदेवाची भरमंडपातच धुलाई करण्यात आली आहे. या घटनेचा व्हिडीओ देखील व्हायरल झाला आहे. ही घटना उत्तर प्रदेशच्या गाझियाबाद इथली असल्याचं सांगितलं जात आहे.

या नवरदेवाचं नाव मुजम्मिल हुसैन असं आहे. त्याचा निकाह 12 डिसेंबर रोजी होणार होता. त्याची वरात लग्नस्थळी पोहोचली. पण, मुजम्मिल आणि त्याचे वडील मेहमूद हुसैन या दोघांनी निकाह होण्यापूर्वी वधुपित्याकडे एक अट ठेवली.

या अटीनुसार, वधुपित्याने त्याला दहा लाख रुपये रोख हुंडा म्हणून देणं अपेक्षित होतं. अन्यथा हा निकाह होणार नाही, असं मुजम्मिलने जाहीर केलं. वधुपक्षाने आधीच त्याला तीन लाख रुपये रोख आणि एक लाख रुपयांची हिऱ्यांची अंगठी दिली होती. आता अजून ही रक्कम कशी उभी करायची हा प्रश्न त्यांना पडला.

पण, दरम्यान त्यांना काही वऱ्हाडींनी हे पिता-पुत्र ठग असल्याचं सांगितलं. अशाच प्रकारे या दोघांनी आधीही अनेक लग्नं केली असल्याची माहिती वधुपक्षाला कळली. अशाच प्रकारे तो आता या मुलीलाही फसवत होता. ते ऐकून वधुपक्षाचा पारा चढला.

त्यांनी मुजम्मिलला घेरून त्याची धुलाई करायला सुरुवात केली. वऱ्हाडींपैकी कुणीतरी त्याचा व्हिडीओ देखील काढला. लग्नाचं रुपांतर हाणामारीत झालेलं पाहून काही वऱ्हाडींनी काढता पाय घेतला. दरम्यान, कुणीतरी पोलिसांना याची माहिती दिली आणि पोलिसांनी धाव घेत हे प्रकरण शांत केलं. पोलिसांनी मुजम्मिलविरुद्ध फसवणुकीचा गुन्हा दाखल केला असून पुढील तपास सुरू आहे.

Leave a Reply

Your email address will not be published. Required fields are marked *