Uncategorized

घरात घुसून तरुणीचा खून

नांदेड शहरातील शारदानगर येथील झेंडा चौक परिसरात प्रेमप्रकरणातून एका तरुणीचा खून झाल्याची घटना रविवारी दुपारी घडली. या प्रकरणातील आरोपीना पोलिसांनी अटक केली आहे. ॲड. हरडफकर यांच्या घरात भाडेतत्वावर राहणारी वैष्णवी संजयसिंह गौर (२१) व आरोपी सुरेश देविदास शेंडगे (२६ रा. पांगरी) या दोघांचे काही वर्षांपासून प्रेमप्रकरण होते. मात्र, काही दिवसांपासून दोघांमध्ये बिनसले आणि दोघेही एकमेकांपासून दुरावले होते.

याच कारणावरून आरोपी सुरेशने वैष्णवी घरात एकटीच असल्याची संधी साधून रविवारी दुपारी १२.१५ ते १२.३० दरम्यान धारदार खंजीरने गळा चिरून तिची हत्या केली. घटनास्थळी तिचा मृतदेह रक्ताच्या थारोळयात पडला होता. या घटनेची माहिती परिसरातील नागरिकांनी विमानतळ पोलिसांना दिली. पोलिस पोहोचले तेव्हा आरोपी सुरेश पळून जाण्याच्या तयारीत होता. पोलिसांनी त्यास ताब्यात घेतले. तरुणीचा मृतदेह शवविच्छेदनासाठी पाठवण्यात आला.

Leave a Reply

Your email address will not be published. Required fields are marked *