Uncategorized

पोलीस उपनिरीक्षीकेच्या पतीसह पोलीस कॉन्स्टेबलला थरारक पाठलाग करून पकडले

औंध जिल्हा सातारा पोलीस ठाण्यात दाखल असलेल्या गुन्हयात तक्रारदार यांचे भावास आरोपी न करण्यासाठी व तपासात  मदत करण्यासाठी पोलीस कॉन्स्टेबल चंद्रकांत दादासो शिंदे (वय- 34) व सुशांत सुरेश वरुडे (वय- 35) या दोघांनी दीड लाख रुपये लाचेची मागणी केली आहे तक्रार लाचलुचपत प्रतिबंधक विभागास प्राप्त झाली होती.यामध्ये तडजोडी अंती सुशांत सुरेश वरुडे (वय- 35) यांना औंध येथील घाटमाथ्यानजीक 50 हजार रुपयांची लाच संबंधित तक्रारदरकडून घेताना लाचलुचपत विभागाच्या पथकाने रंगेहाथ पकडले.आपण लाचलुचपत प्रतिबंधक विभागाच्या सापळ्यात अडकलो आहोत हे लक्षात येताच या दोन्ही आरोपीने पळ काढला पण थरारक पाठलाग करून त्यांना लाचेच्या रकमेसह ताब्यात घेण्यात आले आहे.
      या प्रकरणी चंद्रकांत शिंदे व सुशांत वरुडे यांच्यावर गुन्हा दाखल करण्यात आला आहे. दरम्यान सुशांत वरुडे औंध पोलीस ठाण्याच्या पोलीस उपनिरीक्षक स्नेहल सोमदे यांचे पती असल्याने एकच खळबळ उडाली आहे. ही कारवाई पोलिस अधीक्षक राजेश बनसोडे, अप्पर पोलीस अधीक्षक सुहास नाडगौडा, सूरज गुरव यांच्या मार्गदर्शनाखाली पोलीस निरीक्षक आरिफा मुल्ला अविनाश जगताप, उपनिरीक्षक आनंदराव सपकाळ, काटवटे हवालदार संजय साळुंखे पोलिस नाईक संजय अडसूळ, विनोद राजे, प्रशांत ताटे, विशाल खरात, मारुती अडागळे संभाजी काटकर, निलेश येवले, तुषार भोसले, निलेश वायदंडे, शितल सपकाळ यांनी ही कारवाई मध्ये सहभाग घेतला.  

Leave a Reply

Your email address will not be published. Required fields are marked *