करकंब/ नेमतवाडी येथ शुक्रवारी मध्यरात्रीच्या सुमारास अज्ञात चोरट्यांनी चंद्रकांत पवार यांच्या घरी चोरी करून सोन्या चांदीच्या दाग-दागिने व रोख रक्कम अशी सुमारे एक लाख साडे अकरा हजाराची चोरी केल्याने नेमतवाडी परिसरात भीतीचे वातावरण निर्माण झाले आहे.
पोलीस सूत्रांकडून मिळालेल्या माहिती नुसार चंद्रकांत पवार हे आपली पत्नी, मुलगी व नातू यांच्यासह नेमतवाडी येथे राहतात त्यांची दोन्ही मुले नोकरीनिमित्त परगावी असतात सध्या लोकडाऊन असल्याने त्यांची सून व दोन नातू हे नेमतवाडी येथे असतात नेहमीप्रमाणे चंद्रकांत पवार हे आपल्या कुटुंबियासमवेत जेवण करून झोपले असता शुक्रवार दिनांक 4 च्या मध्यरात्री पहाटे जाग आली असता पाहिले तर कपाटातील वस्तू,साहित्य विस्कटलेले दिसले सर्वाना उठवले व चोरी झाल्याची खात्री करून पाहिले असता 20,000 रु किमतीचे सोन्याची बोरमाळ,20,000 रुपयांचे सोन्याचे गंठण 15 हजार रुपयांचे एक गंठण, 20,000 रुपये किमतीच्या सोनीच्या अंगठ्या,10,000 रुपये किमतीचे सोन्याचेकानातील ,5000 रुपये किमतीचे कानातील दागिने,17,500 रुपये चे चांदीचे पायातील दागिने व 20,000 रुपये रोख असा ऐवज चोरीला गेल्याची तक्रार करकंब पोलिसात दिली असून पुढील तपास स.पो.नि.प्रशांत पाटील यांच्या मार्गदर्शनाखाली पो.ना.मयूर गव्हाणे करीत आहेत
[शुक्रवारी मध्यरात्री या चोरीबरोबर दोन ते तीन ठिकाणी चोरी करण्याचा अयशस्वी प्रयत्न केला परंतु लोक जागे असल्याने त्यांचा हा प्रयत्न अयशस्वी झाल्याचे समजते]