ताज्याघडामोडी

आरोग्य भरती पारदर्शी पद्धतीने करा – भाजयुमो

आरोग्य भरती पारदर्शी पद्धतीने करा – भाजयुमो
भारतीय जनता युवा मोर्चा मंगळवेढा च्या वतीने आज राज्य सरकारने घोषित केलेली आरोग्य भरती पारदर्शी पद्धतीने करावी व मार्च 2021 ला झालेल्या परिक्षेबाबत भूमिका स्पष्ट करावी असे निवेदन तहसीलदार यांच्या मार्फत जिल्हाधिकारी यांना देण्यात आले .
या निवेदनामद्ये , सध्या राज्य सरकारचा कोणत्याच गोष्टींमध्ये भूमिका ठाम नाही . यामध्ये हजारो विद्यार्थ्यांचे भविष्य असलेली आरोग्य भरती बाबत देखील सरकार गांभीर्याने विचार करत नसल्याचे दिसून येत आहे . मार्च 2021 मध्ये आरोग्य भरतीची परीक्षा घेतली परंतु त्यावेळी नाशिक , नागपूर अश्या प्रमुख स्थानांनसोबत बऱ्याच ठिकाणी पेपर फुटले गेले . पण त्यानंतर आरोग्य मंत्री राजेश टोपे यांनी ही बाब गांभीर्याने न घेता उडवाउडवीची उत्तरे दिली . त्यामध्ये देखील हजारो विद्यार्थ्यांचे नुकसान झाले . त्या भरतीची अद्याप कोणतेच निर्णय सरकारने घेतले नसताना लगेच आणखी आरोग्य भरती सुरू केल्याचे दिसून येत आहे . यामध्ये जिल्हा स्थरावर वॉक इन इंटरव्ह्यू सुरू असल्याचे सांगितले जात आहे . पण याला कोणतेच निकष लावले नाहीत कोणतीच प्रक्रिया सांगितली नसून ढिसाळ कारभार सुरू आहे . सध्या एकूण वशिलेबाजी ने भरती सुरू आहे का ? अशी शंका मनामध्ये येत असून , सामान्य , गोरगरीब विद्यार्थ्यांचे भविष्य अंधारात न टाकता ही भरती पारदर्शी पद्धतीने करावी . जिल्हा स्थरावर्ती जिल्हाधिकाऱ्यांनी सदरील बाबतीमधील माहिती प्रकाशित करावी . अशी मागणी करण्यात अली आहे .
हे निवेदन मंगळवेढा तहसीलदार यांच्या मार्फत जिल्ह्याधिकारी याना देण्यात आले आहे . यावेळी भाजयुमो चे शहराध्यक्ष सुशांत हजारे , सुदर्शन यादव उपस्थित होते .

Leave a Reply

Your email address will not be published. Required fields are marked *