पंढरपूर तालुक्यातील वाखरी ग्रामपंचायत निवडणूक दि १५ जानेवारीला खेळीमेळीच्या वातावरणात पार पडली असुन ४८१४ मतदारांपैकी ३८८७ मतदारांनी आपला हक्क बजावला. एकुण ८०.७४ टक्के मतदान झाले असून यामध्ये तरुणाईचा ऊत्साह दिसुन आला. वाढलेले तरुणाईचे मतदान कोणत्या गटाच्या पदरात पडणार हे निकालादिवशीच समजणार असुन शांततेत मतप्रक्रिया पार पाडण्यास दोन्ही गटाकडुन सहकार्य मिळाले.
प्रभाग क्र ०१ मध्ये ६३९पैकी ५०२ , प्रभाग क्र ०२ मध्ये ९६८पैकी ८२९, प्रभाग क्र ०३ ७७७ पैकी ६५०, प्रभाग क्र ०४ मध्ये ६६७ पैकी ५७०, प्रभाग क्र ०५ मध्ये ७६० पैकी ५७६ , प्रभाग क्र ०६ मध्ये १००३ पैकी ७६० इतके मतदान झाले असुन प्रभाग क्र ०२ मधील आकडेवारी सर्वाधिक आहे. युवकांची वाढलेली टक्केवारी वाखरीच्या राजकारणाची गणिते ठरवणार असल्याची चर्चा निवडणूकीनंतर चालु झाली आहे. एकंदरीत या टक्केवारी वरुन मतदार राजा ऊत्साही असुन जागरुक व सुशिक्षित नागरिक असल्याचे ग्रामस्थांनी दाखवुन दिले आहे.
