हनुमंत देशमुख यांचा मंगळवारी सेवानिवृत्ती निमित्त नागरी सत्कार
नारायण चिंचोली,ईश्वर वठार व भैरवनाथवाडी ग्रामस्थांच्या वतीने आयोजन
पंढरपूर शहर व तालुका पोलीस ठाण्यासह अनेक पोलीस ठाण्यात कार्यरत असताना आपल्या कर्तव्यदक्षतेमुळे अनेक पुरस्काराचे मानकरी ठरलेले सेवानिवृत्त स.पो.नि.हनुमंत देशमुख यांचा मंगळवार दिनांक १८ फेब्रुवारी रोजी सायंकाळी ठीक ६ वाजता पंढरपूर तालुक्यातील भैरवनाथडी येथे नारायण चिंचोली,ईश्वर वठार व भैरवनाथवाडी ग्रामस्थांच्या व हर्षवर्धन देशमुख मित्रमंडळाच्या वतीने भव्य नागरी सत्काराचे आयोजन करण्यात आले आहे.
आ. प्रशांत परिचारक यांच्या हस्ते तर प्रांताधिकारी सचिन ढोले,उपविभागीय पोलीस अधिकारी डॉ.सागर कवडे,वरिष्ठ पोलीस निरीक्षक दयानंद गावडे,तालुका पोलीस निरीक्षक किरण अवचर,पोलीस निरीक्षक प्रशांत भस्मे,मा. सभापती ऍड.वामनराव माने,कृषी उत्पन्न बाजार समीतीचे सभापती दिलीप घाडगे,जि.प सदस्य सुभाष माने,वसंत देशमुख,लक्ष्मण धनवडे,तानाजी वाघमोडे,सुरेश आगवणे,औदुंबर मेटकरी आदी प्रमुख पाहुणे म्हणून उपस्थित राहणार आहेत.
तरी सत्कार सोहळ्यास उपस्थित रहावे असे आवाहन मा.सरपंच नारायण देशमुख,शिवसेना तालुका प्रमुख महावीर देशमुख,सोलापूर जिल्हा प्राथमिक शिक्षक पतसंस्थेचे चेअरमन दादाराजे देशमुख,प्राथमिक शिक्षक संघाचे प्रदेश उपाध्यक्ष संपत देशमुख यांनी केले आहे.