श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी या महाविद्यालयातील सिव्हिल इंजिनिअरिंग विभागाचे विभाग प्रमुख प्रा. अनिल बाबर यांना विश्वेश्वरय्या तंत्रशास्त्र विद्यापीठ, बेळगाव यांच्यातर्फे नुकतीच पीएचडी पदवी प्रदान करण्यात आली.
“व्हर्मी कंपोस्टिंग ऑफ शुगर केन ट्रैश अँड इट्स एप्लीकेशन इन डिग्रेडेशन ऑफ इमर्जिंग पोल्युटेंट्स इन सॉईल” या विषयांमध्ये त्यांनी संशोधन पूर्ण केले. ऊस कापणी नंतर शेतात मोठ्या प्रमाणात निर्माण होणाऱ्या सेंद्रिय कचऱ्यापासून त्याचे गांडूळ खतात रूपांतर करणे हा त्यांच्या संशोधनामागचा प्रमुख उद्देश आहे. यासाठी त्यांना प्रा. डॉ. एन एस पाटील व डॉ. संजीव संगमी यांचे मार्गदर्शन लाभले. या यशाबद्दल श्री पांडुरंग प्रतिष्ठानचे विश्वस्त रोहन परिचारक यांनी डॉ. अनिल बाबर यांचे अभिनंदन केले.
महाविद्यालयाचे प्राचार्य डॉ. एस पी पाटील यांच्या हस्ते डॉ. अनिल बाबर यांचा सत्कार करण्यात आला. यावेळी पॉलिटेक्निकचे प्राचार्य डॉ. ए बी कणसे, रजिस्ट्रार जी डी वाळके, उपप्राचार्य जे एल मुडेगावकर, डॉ. अमोल अडमुठे, संशोधन अधिष्ठाता डॉ.अभय उत्पात, शैक्षणिक अधिष्ठाता प्रा. राहुल पांचाळ, विभागप्रमुख डॉ. एस एम लंबे, डॉ. एस व्ही एकलारकर, प्रा. दीपक भोसले तसेच सर्व प्राध्यापक यांनी डॉ. अनिल बाबर यांचे अभिनंदन करून शुभेच्छा दिल्या.
