प्रभारी एसीपी सिद्धार्थ कुमार यांनी सांगितले की, प्रेमनगर कॉलनीत राहणारा शाहिद लोअर शिवायचं काम करतो. त्यांनी घरी तीन मशिन बसवल्या आहेत. तो आणि त्याची मुलगी त्यांना चालवतात. चौकशीदरम्यान शाहिदने सांगितले की, एका पार्टीसोबत शिवणकामाचा सौदा करण्यात आला होता. तो शिवणकामासाठी कटिंग घेऊन आला होता.
सकाळी त्यांनी पत्नी नूरबानो यांच्याकडून धागा आणि भाड्यासाठी ६०० रुपये घेतले. त्यांना पार्टीकडून २ हजार रुपये अॅडव्हान्स मिळाले होते. घरी आल्यानंतर त्याने पत्नीला सकाळी घेतलेले ६०० रुपये परत केले. यानंतर त्याने पुन्हा पत्नीकडे चिकन फ्राय ऑर्डर करण्यासाठी पैसे मागितले असता तिने नकार दिला. यावरून दोघांमध्ये बाचाबाची झाली.
यादरम्यान, संतापलेल्या शाहिदने पत्नीच्या गळ्यावर भिंतीला लटकलेल्या कात्रीने अनेक वार केले. त्यात त्याची पत्नी गंभीर जखमी झाली. तिला रक्तस्त्राव होत असल्याचे पाहून तो घाबरला आणि घरातून पळून गेला. त्यानंतर त्याचा मुलगा आणि मुलगी आईला दिल्लीतील जीटीबी रुग्णालयात घेऊन गेले. पण, तोपर्यंत उशीर झालेला होता. येथे डॉक्टरांनी त्याच्या पत्नीला मृत घोषित केले.
