बोराळे (प्रतिनिधी) पंढरपूर येथील श्री विठ्ठल सहकारी साखर कारखाना येथे बायो-सीएनजी भूमिपूजन आणि शेतकरी मेळाव्याप्रसंगी शरद पवार यांनी गणेश आटकळे लिखित आणि चपराक प्रकाशित शोधक या पुस्तकाचे प्रकाशन केले. तसेच आ.रोहित पवार यांनी पुस्तकाचे लोकार्पण केले. यावेळी शरद पवार यांनी शोधक या पुस्तकाचे कौतुक करत त्याबद्दल भावना मांडल्या.
देशातील लोकशाही बळकट करण्यासाठी व लोकशाही जिवंत ठेवण्यासाठी तरुण लेखक घडणे गरजे आहे.अशाही भावना यावेळी पवार यांनी व्यक्त केल्या या प्रकाशन कार्यक्रमावेळी विठ्ठल सहकारी साखर कारखान्याचे चेअरमन अभिजित पाटील आणि सॉफ्टवेअर इंजिनीअर, लेखक व कवी गणेश आटकळे आणि इतर राष्ट्रवादीचे पदाधिकारी उपस्थित होते.