ताज्याघडामोडी

माहेरहून ४५ लाख आणि ५० तोळे सोनं आण, विवाहितेचा छळ; अखेर अश्लील व्हिडीओ दाखवत नवऱ्यानेच…

पत्नीने माहेरहून ४५ लाख रुपये आणि ५० तोळे सोने आणावे, या मागणीसाठी विवाहितेचा मानसिक व शारीरिक छळ करण्यात आल्याची घटना नाशिकमध्ये उघडकीस आली आहे. एवढेच नव्हे तर पत्नीने मागणी पूर्ण न केल्यामुळे पतीने तिच्या अंगावरील सुमारे ३० तोळे सोने काढून घेतले. तसेच तिला पॉर्न साईटवरील अश्लील व्हिडिओ दाखवत अनैसर्गिक कृत्य केले आहे. या प्रकरणी पीडितेने दिलेल्या तक्रारीवरून अंबड पोलीस ठाण्यात पतीसह त्याच्या आई-वडिलांविरुद्ध गुन्हा दाखल करण्यात आला आहे.

याबाबत पोलिसांकडून मिळालेल्या माहितीनुसार नाशिक शहरातील सिडको परिसरात राहणाऱ्या पीडितेने या प्रकरणी तक्रार दाखल केली आहे. २००९ मध्ये पीडित महिलेचा ठाणे येथील संशयिताशी विवाह झाला होता. यावेळी पीडितेच्या माहेरील मंडळींनी मुलीस स्त्रीधन म्हणून सुमारे ३० तोळे सोने दिले होते. वैवाहिक जीवनाला सुरुवात होताच महिलेचा छळ करण्यास सुरुवात झाली.

माहेरून ४५ लाख रुपये आणि ५० तोळे सोने आणावे अशी मागणी सासरचे करू लागले. पीडितेचा मानसिक व शारीरिक छळ देखील करू लागले. याचवेळी पतीचे विवाहबाह्य संबंध असल्याची बाब उघडकीस आली मात्र पीडितेने त्याकडेही दुर्लक्ष केले.छळ करूनही महिला माहेरून पैसे व दागिने आणत नसल्याने सासू-सासर्‍यांनी तिच्या अंगावरील स्त्रीधन काढून घेतले, तर पतीने छळ करत पॉर्न साईटवरील अश्लील व्हिडिओ दाखवून तिच्यासोबत अनैसर्गिक कृत्य केल्याचा आरोप पीडितेने दिलेल्या तक्रारीत केला आहे.

Leave a Reply

Your email address will not be published. Required fields are marked *