सांगोला: येथील फॅबटेक पॉलिटेक्निक कॉलेज मध्ये सिव्हिल विभागातील विद्यार्थ्यांसाठी कॉंक्रीटिंग विषयावर एक दिवसीय कार्यशाळा संपन्न झाल्याची माहिती सिव्हिल विभागाचे प्रमुख प्रा. शाम कोळेकर यांनी दिली. यावेळी पॉलिटेक्निक चे प्राचार्य प्रा शरद पवार यांनी प्रमुख पाहुण्यांचा पुष्पगुछ देऊन सत्कार केला. या कार्यशाळेसाठी अल्ट्राटेक सिमेंट चे सोलापूर जिल्ह्याचे टेक्निकल मॅनेजर शितल कुमार सिंदखेडे यांचे मार्गदर्शन लाभले. विद्यार्थ्यांना मार्गदर्शन करताना सिंदखेडे यांनी मजबूत बांधकामासाठी M २० ग्रेडचे काँक्रीट उत्तम दर्जाचे समजले जाते हे पटवून देताना त्याचे प्रात्यक्षिक करून दाखवले .
या वेळी विद्यार्थ्यांबरोबरच सांगोला तालुक्यातील ५० पेक्षा अधिक गव्हर्नमेंट व खाजगी कॉन्ट्रॅक्टर उपस्थित होते. हि कार्यशाळा यशस्वी होण्यासाठी प्रा. एस के पवार यांच्यासह सिव्हिल विभागातील सर्व शिक्षक व शिक्षकेतर कर्मचाऱ्यांनी मोलाचे सहकार्य केले.
