ताज्याघडामोडी

फॅबटेक पॉलिटेक्निकचा कॅस्पियन पेंट्स अँड केमिकल्स या कंपनी बरोबर सामंजस्य करार

सांगोला (प्रतिनिधी) : बारामती एमआयडीसी मधील अल्पावधीतच पेंट क्षेत्रात आपले विशिष्ट स्थान निर्माण करणाऱ्या कॅस्पियन पेंट्स अँड केमिकल्स बारामती  या नामांकीत कंपनी सोबत  फॅबटेक पॉलिटेक्निक कॉलेजने सामंजस्य करार केल्याची  माहिती संस्थेचे कॅम्पस डायरेक्टर श्री संजय आदाटे यांनी दिली.

अशा प्रकारे सामंजस्य करार केल्यामुळे विद्यार्थ्यांना नविन तंत्रज्ञान शिकण्यास मदत मिळणार आहे. तसेच इंडस्ट्रियल व्हिजिट ,एक्सपर्ट लेक्चर साठी कंपनीकडून सहकार्य मिळणार असून  विद्यार्थ्यांना  औद्योगिक क्षेत्रात झेप घेता यावी यासाठी एक प्रकारचे प्रोत्साहन  मिळणार असल्याचे पॉलीटेक्निक चे प्राचार्य प्रा.शरद पवार यांनी सांगितले.

या वेळी  कंपनीचे डायरेक्टर अरुण खारतोडे यांनी विद्यार्थ्यांना मार्गदर्शन  करताना  मुद्रा लोन व स्टार्टअप योजनेतून नवउद्योजक बनण्यासाठी मार्गदर्शन केले व  शैक्षणिक प्रगतीसाठी सहका करण्याचे आश्वासन दिले . या सामंजस्य करारावेळी कॅम्पस डायरेक्टर संजय अदाटे , मेकॅनिकल चे विभाग प्रमुख प्रा . दत्तात्य नरळे , अकॅडेमिक कोऑर्डिनेटर प्रा. तानाजी बुरुंगले व प्रा. श्रीकांत बुरुंगले उपस्थित होते. 

Leave a Reply

Your email address will not be published. Required fields are marked *