रस्ते वाहतुकीसाठी पर्यायी मार्गाचा अवलंब करण्याच्या सूचना
पंढरपूर जवळच्या अहिल्यादेवी चौका नजीकचे रेल्वे गेट, क्रमांक २२ किमी ४२४/७-८ हे दुरुस्तीच्या कामासाठी रविवार दिनांक १३ नोव्हेंबर रोजी सकाळी ७ वाजले पासून सोमवार दिनांक १४ नोव्हेंबर रोजी रात्री ११ वाजून ५९ मिनिट या कालावधीत रस्ते वाहतुकीसाठी बंद ठेवण्यात येणार आहे.तरी या रस्त्याचा वाहतुकीसाठी वापर करणाऱ्या वाहनांनी पर्यायी मार्गाचा अवलंब करावा असे आवाहन सिनिअर सेक्शन इंजिनिअर रेल पथ,मध्य रेल पंढरपूर यांच्या वतीने करण्यात आले आहे.
सदर रेल्वे गेट हे उपरोक्त कालावधीत बंद राहणार असल्याने या मार्गावरील रस्ते वाहतूक भीमा नदीवरील दगडी पुलानजीकच्या पुलावरून वळविण्यात आली आहे असेही रेल्वे प्रशासनाकडून प्रसिद्धीसाठी दिलेल्या पत्रकात म्हटले आहे.
