ताज्याघडामोडी

अनैतिक संबंधातून पतीची केली हत्या, घरातच खड्डा करून पुरला मृतदेह

खमरिया गावात गुरुवारी एका व्यक्तीचा मृतदेह घरात पुरलेला आढळून आला. पोलिसांनी दिलेल्या माहितीनुसार, दुर्गंधी आल्यानंतर शेजाऱ्यांनी पोलिसांना माहिती दिली. पोलिसांनी घटनास्थळ गाठून जमिनीत पुरलेला मृतदेह ताब्यात घेतला. मृत तरुणाच्या इतर नातेवाईकांनी त्याच्या पत्नीवर हत्येचा आरोप केला आहे. मृतदेहाचे पोस्टमॉर्टम आणि आरोपी महिलेची चौकशी केल्यानंतरच सत्य बाहेर येईल. 

सीओ मस्सा सिंह यांनी दिलेल्या माहितीनुसार, हत्येची घटना पोलीस स्टेशन गदिया रंगा परिसरातील खमरिया गावातील आहे. या गावात राहणाऱ्या गोविंद यांच्या घरातून गुरुवारी उग्र वास येत होता. आजूबाजूच्या लोकांनी पोलिसांना माहिती दिली. पोलिस घराजवळ पोहोचले तेव्हा घरात एक कबर होती. मातीची अवस्था पाहून तिथे कोणीतरी नुकतेच दफन केले असावे असा अंदाज आला. याबाबत पोलिसांनी घटनास्थळी उपस्थित शिल्पाची चौकशी केली. पती गोविंदचा मृतदेह जमिनीत गाडल्याचे शिल्पाने पोलिसांना सांगितले. गोविंदने आत्महत्या केल्याचे शिल्पाचे म्हणणे आहे, त्यानंतर तिने मृतदेह घरातच पुरला.

पोलिसही त्यांचे वक्तव्य संशयास्पद मानत आहेत. गोविंदचा भाऊ संजय कुमार याने शिल्पाने गोविंदची हत्या ओळखीच्या व्यक्तीशी अवैध संबंधांमुळे केल्याचा आरोप केला आहे. सीओ मस्सा सिंह यांनी सांगितले की, पोलिसांनी खड्डा खोदून मृतदेह ताब्यात घेतला आहे. आता मृतदेहाची अवस्था पाहता चार दिवसांपूर्वी खून झाल्याचे दिसते. गोविंदचा खून कसा झाला हे पोस्टमॉर्टमनंतरच स्पष्ट होईल. सध्या पोलिसांनी या प्रकरणाचा तपास सुरू केला आहे. संशयास्पद वक्तव्यामुळे गोविंदच्या पत्नीलाही पोलिसांनी ताब्यात घेतले आहे. मृतदेहाचे पोस्टमॉर्टम आणि आरोपी शिल्पाची चौकशी केल्यानंतरच सत्य बाहेर येईल.उत्तर प्रदेशातील खामरिया  गावातील या घटेनमुळे सर्वत्र खळबळ उडाली आहे.   

Leave a Reply

Your email address will not be published. Required fields are marked *