जलसंधारणमंत्री शंकरराव गडाख यांचे स्वीय सहायक राहुल राजळे यांच्यावर झालेल्या गोळीबाराचे प्रकरण ताजे असतानाच, मंत्री गडाख व त्यांचे पुत्र उदयन यांना ‘उडविण्याची’ भाषा करणारी ऑडिओ क्लिप व्हायरल झाल्याने खळबळ उडाली आहे.
दरम्यान, यासंदर्भात सोनई पोलिसांशी संपर्क साधला असता, त्यांनी आमच्याकडे अशी क्लिप नसल्याचे सांगितले.
मंत्री गडाख यांचे स्वीय सहायक राहुल राजळे यांच्यावर तालुक्यातील लोहगाव शिवारात शुक्रवारी रात्री जीवघेणा हल्ला झाला होता. आता एक ऑडिओ क्लिप व्हायरल झाली आहे. मंत्री गडाख आणि त्यांचे पुत्र उदयन यांना जीवे मारण्याविषयी त्यात उल्लेख आहे. यासाठी अनधिकृतपणे 21 इस्रायली बनावटीची पिस्तुले आधीच वाटून ठेवल्याचा दावा ऑडिओ क्लिपमधील व्यक्ती करीत आहे.
दरम्यान, राजळे यांच्यावर जीवघेणा गोळीबार झाल्यानंतर आता ही क्लिप समोर आल्याने प्रकरणाचे गांभीर्य वाढले आहे. दरम्यान, राजळे यांच्यावरील हल्लाप्रकरणाचा तपास आता पोलीस उपअधीक्षक सुदर्शन मुंढे यांच्याकडे सोपविण्यात आल्याची माहिती पोलीस अधीक्षक मनोज पाटील यांनी दिला.