लग्न जुळत नसल्याने निराश झालेल्या एका युवकाने आत्मदहन करत आत्महत्या केल्याची घटना घडली आहे. बुलढाण्यातील खामगाव तालुक्यातील पळशी खुर्द येथे सकाळच्या सुमारास ही घटना उघडकीस आली.
महेंद्र नामदेव बेलसरे (27, रा. पळशी खुर्द, ता. खामगाव) असे आत्मदहन करणार्या युवकाचे नाव आहे. हा युवक गत काही दिवसांपासून लग्न जुळत नसल्याने निराश होता. गुरूवारी पहाटे त्याने स्वत:च्या शेतात सरण रचून पेट्रोलच्या सहाय्याने पेटवून घेतले.
गंभीररित्या भाजल्याने त्याचा जागीच मृत्यू झाला. या घटनेनंतर खामगाव तालुक्यात एकच खळबळ उडाली. खामगाव ग्रामीण पोलीस घटनास्थळी दाखल झाले आहेत.
निराशेतूनच युवकाने आत्महत्या केल्याचा दावा पोलीस सुत्रांकडून केला जात आहे. याबाबत पळशी खुर्दचे पोलीस पाटील गजानन पाटील यांनी सांगितले की, पेट्रोल अंगावर घेऊन युवकाने पेटवून घेतले.