पंढरपूर नगर पालिकेचे माजी उपनगराध्यक्ष,बागवान समाजाचे धाडसी आणि अभ्यासू नेते हमीदभाई लतीफ बागवान यांचे शनिवार दिनांक ४ रोजी पहाटे अल्पशा आजराने निधन झाले.सन २०११ ते २०१६ या कालावधीत त्यांनी पंढरपूर नगर पालिकेचे नगरसेवक म्हणून जबाबदारी पार पाडली तर याच काळात त्यांनी उपनगराध्यक्ष पदही भूषविले.सर्व सामान्य जनतेच्या प्रश्नासाठी अतिशय आक्रमक व्यक्तिमत्व म्हणून त्यांची ओळख होती.हिंदू आणि मुस्लिम या दोन्ही समाज बांधवांमध्ये त्यांनी मोठ्या जिव्हाळ्याचे संबंध जोपासले होते.त्यांचा दफनविधी आज दुपारी २ वाजता होणार आहे.
त्यांच्या निधनाने बागवान समाजातील एक धडाडीचे नेतृत्व हरपल्याने हळहळ व्यक्त होत आहे. त्यांच्या पश्चात तीन मुले,एक मुलगी,सुना,नातवंडे असा मोठा परिवार आहे.
