पुण्यात काही झालं तरीही गुन्ह्यांच्या घटना काही थांबण्याचं नाव घेत नाहीयेत. आजही असाच एक भयंकर प्रकार समोर आला आहे. दिघी येथे एका लॉजमध्ये महिलेचा गळा आवळून स्वतः आत्महत्त्या केल्याची घटना घडली आहे. हा प्रकार गुरुवारी सकाळी दहा वाजता समोर आला असून यामुळे संपूर्ण परिसरात खळबळ उडाली आहे. खुनाच्या घटना वारंवार समोर येत असल्यामुळे नागरिकांमध्ये भीतीचं वातावरण आहे.
दोघांत काहीतरी वाद झाले आणि प्रकाशने महिलेचा गळा आवळून खून केला आणि नंतर स्वतः साडीचा फास घेऊन आत्महत्त्या केली. गुरुवारी सकाळी १० वाजता लॉज सोडणार होते. पण त्यांनी ते बाहेर न आल्याने लॉजच्या व्यवस्थापकाने बाहेरून आवाज दिला असता प्रतिसाद मिळाला नाही. यानंतर पोलिसांना माहिती देऊन दरवाजा उघडला असता दोघे मृतावस्थेत दिसले.
सगळ्यात धक्कादायक बाब म्हणजे दोघांचे मृतदेह नग्नवस्थेत आढळून आले. पोलिसांनी तातडीने दोन्ही मृतदेह ताब्यात घेतले असून ते शवविच्छेदनासाठी नजिकच्या स्थानिक रुग्णालयात पाठवण्यात आले आहेत. तर घटनेचा पुढील तपास पोलीस करत आहेत.
