राज्यात गेल्या ११ दिवसापासून एसटी कर्मचारी विविध मागण्यासाठी संपावर असून त्यामुळे राज्यातील बहुतांश एसटी आगारातील प्रवासी वाहतूक ठप्प झाल्याचे दिसून आले.एकीकडे राज्य सरकार आपल्या भूमिकेवर ठाम असून संपात सहभागी झालेल्या शकडो कर्मचाऱ्यांवर निलंबनाची कारवाई करत आहे तर हजारो कामगारांना सेवा समाप्तीच्या नोटीस देण्यात आलेल्या आहेत.
मात्र तरीही बहुतांश एसटी कमर्चारी संपावर ठाम असतानाच काही कर्मचारी कारवाईच्या धास्तीने कामावर परतू लागले आहेत.मात्र कामावर परत आलेल्या कर्मचाऱ्यांना रोषास सामोरे जावे लागत असल्याचे चित्र असून मिरज एसटी आगारातून पंढरपूकरकडे आलेल्या एसटी चालकास कासेगाव हद्दीतील पंढरपुरकडे वळणारे बायपास जवळ एसटी थांबवून मारहाण करत परत एसटीतुन प्रवासी घेऊन आला तर तुम्हाला बघुन घेतो अशी धमकी देण्यात आल्याची फिर्याद सोमनाथ रामचंद्र कोळी या चालकाने पंढरपूर तालुका पोलीस ठाण्यात ३ अज्ञात व्यक्ती विरोधात फिर्याद दाखल केली आहे.
या बाबत दाखल फिर्यादी नुसार सदर घटना दिनांक 14/11/2021 रोजी सायंकाळी 06/30 वाचे सुमरास घडली असून शासकीय कामात अडथळा आणला आहे.म्हणुन माझी अज्ञात दोन अनोळखी इसमाविरुध्द भादंवि ३२३,३५३,५०४,५०६,३४ नुसार गुन्हा दाखल करण्यात आला आहे.
