वडगाव मावळ तालुक्यातील साते ग्रामपंचातीच्या हद्दीत भंगार विक्रीच्या दुकानाविरोधात आलेल्या तक्रारीची दखल न घेता कारवाई टाळण्यासाठी सव्वालाख रुपये लाच मागणाऱ्या सरपंचास व एका ग्रामपंचायत सदस्याच्या विरोधात लाचलुचपत प्रतीबंधक विभागाने गुन्हा दाखल केला आहे.
लाचलुचपत विभागाने या प्रकरणी ग्रामपंचात सदस्य कृषिनाथ आगळमे यास रंगेहाथ पकडले असून त्यास ३ नोव्हेंबर पर्यंत पोलीस कस्टडी मिळाली आहे.तर सरपंच संतोष शिंदे यास अद्याप अटक करण्यात आलेली नाही.
सदरची कारवाई लाच लुचपत प्रतिबंधक विभागाचे पुणे परिक्षेत्र उपअधीक्षक राजेश बनसोडे,अप्पर पोलीस अधीक्षक सूरज गुरव,अप्पर पोलीस अधीक्षक सुहास नाडगौडा यांच्या मार्गदर्शनाखाली सदर कारवाई करण्यात आल्याची माहिती सह.पोलीस आयुक्त श्रीहरी पाटील यांनी दिली आहे.
