पंढरपूर शहर व तालुक्यात सध्या प्रांताधिकारी सचिन ढोले यांची बदली होणार असल्याच्या चर्चेने मोठी अस्वस्थता निर्माण झाली आहे.प्रांताधिकारी सचिन ढोले यांनी पंढरपूरचे प्रांताधिकारी म्हणून पदभार स्वीकारल्यानंतर या शहर व तालुक्यातील गावागावातील सर्व सामान्य नागिरकांशी संपर्क ठेवत,तसेच सामाजिक व राजकीय पटलावर काम करणाऱ्या पदाधिकारी व कार्यकर्त्यांशी संवाद साधत सामान्य जनतेच्या अनेक रखडलेल्या प्रश्नावर यशस्वी तोडगा काढला,अनेक वाद संपुष्ठात आणले तर कुठल्याही तक्ररीची दखल घेत त्याची शहनिशा करत कार्यवाही केली,गेल्या १६ महिन्यापासून कोरोनाचे संकट कोसळले आणि प्रांताधिकारी सचिन ढोले यांनी दाखवलेली तत्परता,केलेले कार्य हे अतुलनीय आहे.आता तिसऱ्या लाटेचा इशारा तज्ज्ञांनी दिलेला असताना प्रांताधिकारी सचिन ढोले यांचा कार्यकाळ पूर्ण झाल्याने बदली होणार असल्याची चर्चा कानी पडताच मोठी खंत व्यक्त केली जात असून याचाच एक भाग म्हणून आदिम विकास परिषदेच्या वतीने पालकमंत्री दत्तात्रय भरणे व जिल्हाधीकारी मिलिंद शंभरकर याना निवेदन देऊन प्रांताधिकारी सचिन ढोले यांना मुदतवाढ देऊन बदली करू नये अशी मागणी करण्यात आली आहे. या बाबत अधिक माहिती देताना आदिम विकास परिषदेचे जिल्हाध्यक्ष नागेश अधटराव म्हणाले कि,पंढरपूरचे प्रांताधिकारी म्हणून सचिन ढोले यांची कारकीर्द आणि लोकाभिमुख कार्यकेल्याने असलेली त्यांची लोकप्रियता हि न भूतो न भविष्यती अशी आहे,पंढरपूरला जोडणाऱ्या आळंदी ते मोहोळ या रस्त्याच्या चौपदीकरणाचे काम असो अथवा पंढरपूरला जोडलेल्या प्रत्येक महत्वपूर्ण महामार्गाचे काम असो सचिन ढोले यांनी भूसंपादन प्रक्रिया अतिशय पारदर्शक व समन्यायी पद्धतीने राबिल्याने या रस्त्याची कामे गतीने पूर्णत्वाकडे जात आहेत.महसूल विभागाकडे प्रलंबित असलेले अनेक जमिनी बाबतचे तंटे त्याच्या कारकिर्दीत गतीने निकालात निघाले आहेत.गेल्या १६ महिण्यापासुन राज्यासह पंढरपूर तालुक्यावर ओढवलेल्या कोरोनाच्या भीषण संकटात,पहिल्या व दुसऱ्या लाटेत प्रांताधिकारी सचिन ढोले यांनी पार पाडलेली जबाबदारी,सामान्य जनतेशी अगदी रात्री अपरात्री संपर्क केल्यानंतरही साधलेला संवाद,सोडवलेल्या अडचणी यामुळे जनतेस मोठा दिलासा मिळाला आहे.आता तिसऱ्या लाटेची शक्यता वर्तविली जात असताना व पंढरपूर हे तिर्थक्षेत्र असल्याने कोरोनाचा धोका मोठा असताना अनुभवी अधिकारी सचिन ढोले यांची बदली झाली तर ती मोठे नुकसान करणारी ठरणार आहे.याचा गंभीर विचार करून प्रांताधिकारी सचिन ढोले यांचा कार्यकाळ वाढविण्यात यावा अशी मागणी सोलापुर जिल्ह्याचे पालकमंत्री दत्तात्रय भरणे व जिल्हाधिकारी मिलिंद शंभरकर यांच्याकडे केली असल्याची माहिती नागेश अधटराव यांनी दिली आहे.
Related Articles
फॅबटेक पब्लिक स्कूल मधील विद्यार्थ्यांनी राज्यस्तरीय रोलर स्केटिंगमध्ये मारली बाजी
फॅबटेक एज्युकेशन सोसायटी पुणे संचलित फॅबटेक पब्लिक स्कूल अॅन्ड ज्युनिअर कॉलेज मधील विद्यार्थ्यांनी राज्यस्तरीय रोलर स्केटिंग मध्ये बाजी मारली. आपले शरीर लवचिक राहण्यासाठी अनेक खेळ खेळले जातात त्यापैकीच एक खेळ म्हणजे स्केटिंग. मुलांमध्ये अगदी लहानपणापासून स्केटिंग चे आकर्षण असते .पायाला चाके लावून भन्नाट वेगाने पुढे जाणे असे वाटते पण त्याचेही एक शास्त्र व नियम आहे स्केटिंग […]
पुणे लाचलुचपत विभागाच्या सापळ्यात अडकलेला पोलीस उपनिरीक्षक धूम स्टाईलने पसार
बलात्काराचा गुन्हा दाखल न करण्यासाठी लाच मागणाऱ्या महिला पोलीस उपनिरीक्षकाला अटक करण्यात आली आहे. तर 70 हजार रुपयांची रक्कम स्वीकारणारा सहाय्यक पोलीस उपनिरीक्षक लाचलुचपत प्रतिबंधक विभागाच्या अधिकाऱ्यांना धक्का देऊन पसार झाला. पुणे जिल्ह्यातील पिंपरी चिंचवड शहरात हा धक्कादायक प्रकार घडला आहे. तक्रार अर्जावरुन बलात्काराचा गुन्हा दाखल न करण्यासाठी पिंपरी चिंचवडमधील सांगवी पोलीस स्थानकातील महिला पोलिस […]
फॅबटेक कॉलेज ऑफ फार्मसीमध्ये राज्यस्तरीय इ-पोस्टर प्रदर्शन स्पर्धा उत्साहात संपन्न
सांगोला: येथील फॅबटेक कॉलेज ऑफ फार्मसीमध्ये राज्यस्तरीय इ-पोस्टर प्रदर्शन दिनांक ४ फेब्रुवारी रोजी आयोजित करण्यात आले होते. या राज्यस्तरीय इ-पोस्टर प्रदर्शन स्पर्धेकरिता राज्यभरातून विद्यार्थी सहभागी झाले होते. या स्पर्धेचे फार्मसी पदवीकरिताचे विषय हर्बल इंडस्ट्री : प्रेझेंट स्टेटस अँड फिवचर प्रॉस्पेक्ट आणि फार्माकोव्हिजिलन्स होते. तर फार्मसी पदविका करिताचे विषय हे फार्मासिस्ट रोल इन कोविड स्विचवेशन आणि इफेक्टिव्हनेस ऑफ ऑनलाईन टिचिंग इन प्रोफेशनल एज्युकेशनल इन्स्टिट्यूट होते. या स्पर्धेचे आयोजन संस्थेचे चेअरमन मा.श्री. भाऊसाहेब रुपनर,मॅनेजिंग डायरेक्टर श्री. अमित रुपनर,संचालक श्री. दिनेश रुपनर व कॅम्पस डायरेक्टर श्री. संजय अदाटे यांच्या मार्गदर्शनाखाली व फार्मसीचे प्राचार्य डॉ. संजय बैस यांच्या उपस्थितीत ऑनलाईन पद्धतीने यशस्वी रित्या पार पडले. या राज्यस्तरीय इ-स्टर प्रदर्शन स्पर्धेकरिता पदविका शाखेमधून ७३ व पदवी शाखेमधून ११६ स्पर्धक सहभागी झाले होते. पदविका शाखेमधून प्रथम क्रमांक प्रगती विष्णू शेळके राजाराम बापू कॉलेज ऑफ फार्मसी, कासेगाव इस्लामपूर, द्वितीय क्रमांक सुप्रिया आप्पासो काशीद फॅबटेक कॉलेज ऑफ फार्मसी सांगोला तर पदवी शाखेतून प्रथम क्रमांक आकांशा बाळासाहेब शिंदे स्वेरी कॉलेज ऑफ फार्मसी पंढरपूर, द्वितीय क्रमांक […]