पंढरपूर शहरात मोटारसायकल चोरीस जाण्याच्या प्रमाणात मोठी वाढ झाली असून अगदी घरासमोर,दुकानासमोर लावलेल्या मोटरसायकल देखील चोरटे शिताफीने लंपास करत असल्याचे दिसून येते.मात्र चोरीच्या वाढत्या घटनांमुळे शहरातील दुचाकी मालकांकडून मात्र चिंता व्यक्त केली जाऊ लागली असून अगदी हॅन्डल लॉक केलेले असेल तरीही चोरटे अगदी काही वेळात गाडी चोरून नेत असल्याने बँका,बाजारपेठ,शासकीय कार्यालये आदी ठिकाणी मोटारसायकल घेऊन जाणे धोक्याचे ठरले आहे का ? असा प्रश्न उपस्थित केला जात आहे.
दिनांक ३ जुलै रोजी पंढरपूर शहर पोलीस ठाण्यात मोटारसायकल चोरीच्या २ फिर्यादी दाखल झाल्या असून अनुप जवाहर गांधी वय 46 वर्षे व्यवसाय -व्यापार रा. महावीरनगर यांनी दाखल केलेल्या फिर्यादीनुसार त्यांची MH13L7791 हि बजाज कंपनीची मोटारसायकल आकांक्षा मशनरी गोडावुन नविन सोलापुर पुलाजवळ येथे दिनांक 30/06/2021 रोजी सकाळी १० चे सुमारास लावलेली असताना चोरीस गेली आहे.
तर दुसऱ्या घटनेत विजय सुखदेव ठवरे वय 31 वर्षे व्यवसाय -पेंटींग काम रा. कोर्टी ता. पंढरपुर हे दिनांक 30/06/2021 रोजी 18/00वा चे सुमारास मी मरवडेकर मोबाईल शपी नवी पेठ भाजी मंडई पंढरपुर येथे कामानिमित्त आले असता मरवडेकर मोबाईल शॉपी नजीक लावण्यात आलेली मोटर सायकल हिरो एच एफ डिलक्स MH13C5191 हि दुचाकी अज्ञात चोरटयाने चोरून नेली आहे.
