पंढरपूर शहरातील पुंडलिक नगर परिसरात राहणाऱ्या सेवानिवृत्त रेल्वे कर्मचाऱ्याच्या बंगल्याच्या बंद दरवाजाचे कुलूप तोडून अज्ञात चोरट्यानी सोन्या चांदीचे दागिने,रोख रक्कम व मोबाईल लंपास केला आहे.दाट लोकवस्ती आणि वर्दळीचा परिसर असलेल्या पुंडलिक नगर परिसरात घडलेल्या या घटनेमुळे खळबळ उडाली आहे.
या याबाबत पंढरपूर शहर पोलीस ठाण्यात दाखल फिर्यादीनुसार पुंडलिक नगर येथे राहणारे सेवानिवृत्त रेल्वे कर्मचारी गोविंद रघुनाथ सबनीस हे दिनांक 28/06/2021रोजी सकाळी नातेवाईकाकडे कार्यक्रमासाठी गेले होते.30/06/2021रोजी सकाळी सकाळी त्यांच्या शेजाऱ्याने सबनीस याना दरवाजाचे कुलुप बाहेर पडलेले दिसत आहे तुम्ही लवकर या असा फोन केला.श्रीपाद सबनीस हे दुपारी पंढपुरात घरी आले असता त्यांना घराचे दाराचे कुलूप,कुलुप तोडण्याकरीता वापरलेल्या कटावणी, स्क्रु ड्रायव्हर दारातच पडलेले दिसले.त्यांनी घरातील पाहणी केली असता १) 28 ग्रँम वजनाचा सोन्याचा नेकलेस २) 4 ग्रँम वजनाचे सोन्याचे टॉप्स 3) चांदीचे शिक्के लक्ष्मी/गणपती चे चित्र असलेले 16 नग प्रत्येकी 10ग्रँम वजनाचे ४) जुनी चांदीची 3नाणी ५)१0 रु ची 400 नाणी ६)4,000/-रुपये रोख रक्कम ७)मेरिकन डायमंड 5 ग्रँम वजनाचे ८)एक ASUS कंपनीचा मोबाईल असा मुद्देमाल चोरीस गेला असल्याचे आढळून आल्याची फिर्याद दाखल करण्यात आली आहे.
या प्रकरणी अज्ञात चोरट्याविरूध्द शहर पोलीस ठाण्यात भादंवि ३८०,४५४,४५७ नुसार गुन्हा दाखल करण्यात आला आहे.
