मुंबई- एन्काऊंटर स्पेशालिस्ट प्रदीप शर्मा यांच्या घरी एनआयए कडून छापेमारी करण्यात आली आहे. प्रदीप शर्मा यांच्या अंधेरीमधील घरावर सकाळी सहा वाजता हा छापा टाकण्यात आला आहे. प्रदिप शर्मा आणि सचिन वाझे हे मित्र आहेत. शर्मा यांच्याबाबत काही लिंक मिळाल्या असल्याची माहिती एनआयए मिळाली आहे.
उद्योगपती मुकेश अंबानी यांच्या घराबाहेर स्फोटकं सापडली होती. त्यानंतर मनसुख हिरेन प्रकरणी एनआयए तपास करत आहे. अंबानी यांना धमकी आणि व्यावसायिक मनसुख हिरेन यांच्या हत्येशी शर्मा यांचा संबंध असावा, असा संशय एनआयएला आहे.
सकाळी ६ वाजल्यापासून प्रदीप शर्मा यांच्या घरी एनआयएची टीम दाखल झाली आहे.
स्वतः सीआरपीएफचे डीसीपी या छापेमारी दरम्यान उपस्थितीत आहेत. सेंट्रल रिझर्व्ह पोलिसांच्या १० ते १२ टीम प्रदीप शर्मा यांच्या घराबाहेर तैनात करण्यात आल्या आहेत.
प्रदीप शर्मा यांच्याकडे ७ एप्रिलला सुमारे आठ तास चौकशी केल्यानंतर ८ एप्रिलला त्यांना एनआयएने पुन्हा चौकशीस बोलावलं होतं. या प्रकरणातील मुख्य आरोपी आणि जुने सहकारी सचिन वाझे यांना समोर आणून शर्मा यांच्याकडे एनआयएने चौकशी केल्याची माहिती मिळाली होती.
