गुन्हे विश्व ताज्याघडामोडी

डोंबे गल्ली परिसरात दोन मोटारसायकली पेटवून दिल्या,हजारोंचे नुकसान

गेल्या काही दिवसात पंढरपूर शहर व परिसरात मोटार सायकल चोरीस जाण्याचे प्रमाण वाढले असून सध्या शहरात याची चर्चा होत असतानाच शहरातील डोंबे गल्ली परिसरात असलेल्या कुंभार वाडा येथील रहिवाशी शिवाजी पांडुरंग वैरागकर यांनी त्यांच्या घरासमोर लावलेली त्यांच्या मालकीची हिरो पॅशन प्रो हि मोटार सायकल व अण्णा गोपाळ दांडगे यांच्या मालकीची स्प्लेंडर प्लस हि मोटारसायकल मध्यरात्री १० जून रोजी दोनचे सुमारास अज्ञात व्यक्तीने अज्ञात कारणावरून पेटवून दिल्याची फिर्याद पंढरपूर शहर पोलीस ठाण्यात दाखल केली आहे.
या बाबत दाखल फिर्यादीनुसार फिर्यादी शिवाजी वैरागकर हे आपली मोटारसायकल घरसमोरील पाटणकर वारकरी यांच्या मोकळ्या जागेत लावून जेवण करून झोपी गेले असता पहाटे अडीचच्या सुमारास त्यांच्या आईस जाग आली असता घरासमोरील दोन्ही मोटार सायकल जळत असल्याचे दिसून आले. यामध्ये होंडा पँशन प्रो पांढरा पट्टा असलेली मोटारसायकल नं.MH 13 DA 1002 व अण्णा गोपाळ दांडगे यांची हिरो होंडा स्प्लेंडर प्लस मोटारसायकल नं MH13 BY4478या दोन्ही मोटारसायकलचे मोठे नुकसान झाले आहे.या प्रकरणी अज्ञात इसमा विरोधात भादंवि ३३५ नुसार गुन्हा दाखल करण्यात आला आहे.

Leave a Reply

Your email address will not be published. Required fields are marked *