कोरोना विषाणूचा प्रादुर्भाव लक्षात घेता, दि.१७/०३/२०२० पासून भाविकांना श्रींचे दर्शन बंद करण्यात
आले होते. मा.राज्य शासनाच्या आदेशानुसार दि.१६/११/२०२० पासून भाविकांना फकत श्रीचे मुखदर्शन उपलब्ध
करून देण्यात येत आहे. मा.जिल्हादंडाधिकारी तथा अध्यक्ष, जिल्हा आपत्ती व्यवस्थापन प्राधिकरण, सोलापूर
यांनी त्यांचेकडील क्र.२०२१/डिसीबी/०२/आरआर/१२४६ दिनांक २५/०३/२०२१ अन्वये फोजदारी प्रक्रिया
संहिता १९७३ चे कलम १४४ नुसार सोलापूर जिल्ह्यात कोरोना विषाणूंचा प्रादुर्भाव रोखण्यासाठी प्रतिबंधात्मक
उपाययोजना करणेबाबत आदेश दिलेले आहेत. त्यामध्ये सर्व प्रकारची धार्मिक स्थळे सकाळी ०७.०० ते संध्याकाळी ०७.०० या वेळेत सुरू राहतील असे नमुद आहे.
त्यानुसार आज शुक्रवार, दिनांक २६/०३/२०२१ पासून श्री.विठ्ठल रूक्मिणी मंदिर भाविकांना सकाळी
०७.०० ते संध्याकाळी ०७.०० या वेळेत दर्शनासाठी खुले राहील. सकाळी ०७.०० पूर्वी व संध्याकाळी ०७.००
नंतर भाविकांना दर्शनासाठी मंदिरात प्रवेश दिला जाणार नाही. तसेच ऑनलाईन प्रणालीद्वारे बुकोंग केलेल्याच
भाविकांना दर्शनासाठी प्रवेश देण्यात येईल व ही दैनंदिन संख्या १५०० एवढी मर्यादित राहील. तसेच शनिवार व
रविवार दिवशी देखील भाविकांना मंदिर सकाळी ०७.०० ते संध्याकाळी ०७.०० या वेळेत दर्शनासाठी खुले
राहील. श्रींचे सर्व नित्योपचार परंपरेनुसार सुरू राहतील. त्याच्या स्वरूपात किंवा तिच्या पध्दतीत कोणत्याही
प्रकारचे खंड न पाडता किंवा व्यत्यय न आणता मंदिरात नित्य म्हणजेच दैनंदिन पूजोपचार चालू ठेवण्यात येत
आहेत. तसेच इतर सणवार, उत्सव परंपरेनुसार साध्या पध्दतीने साजरे करण्याचा निर्णय मंदिर समितीने घेतला
आहे.
सदरचे पत्रक मा.सदस्य आ.रामचंद्र कदम, श्रीमती शकुंतला नडगिरे, डॉ.दिनेशकुमार कदम,
श्री.भास्करगिरी गुरू किसनगिरी बाबा, श्री.संभाजी शिंदे, आ.सुजितसिंह ठाकूर, ह.भ.प.ज्ञानेश्वर देशमुख
(जळगांवकर), अँड.माधवी निगडे, ह.भ.प.प्रकाश जवंजाळ, श्री.अतुलशास्त्री भगरे गुरूजी, ह.भ.प.शिवाजीराव
मोरे, सौ.साधना भोसले यांचेशी विचारविनियम करून एकमताने निर्णय घेतल्यानंतर मा.सह अध्यक्ष
श्री.गहिनीनाथ महाराज औसेकर व कार्यकारी अधिकारी श्री.विठ्ठल जोशी यांनी प्रसिध्दीस दिले आहे.